भायानेटले मासिक १ हजार २५० रुपैयाँमा १७५ एमबिपिएस को इन्टरनेट र सो को साथमा भायानेट टिभी समेतको नयाँ प्रोडक्ट लन्च गरेको छ ।
ग्राहकहरुको काम गर्ने, पढ्ने र खेल्ने बढ्दो आवश्यकताको लागि उच्च–गुणस्तरको उच्च स्पीड भएको इन्टरनेट सेवा प्रदान गर्ने उद्देश्य पूरा, अल्ट्रा–फाई लाइनका प्रोडक्टहरु ल्याइएको कम्पनीको सीईओ सेवा पाठक बोहराले केटिएम दैनिकलाई बताइन् ।
नेपालभरि व्यावसायिक र व्यक्तिगत प्रयोजनका लागि उच्च गतिको इन्टरनेट कनेक्टिभिटी र टेलिभिजन सेवा प्रदान गरिरहेको भायानेटको यस अफरले प्रयोगकर्ताहरुलाई न्यूनतम मूल्यमा उच्च गतिको इन्टरनेट उपलव्ध गराउँदछ ।
अल्ट्रा–फाई अन्तर्गत, भायानेटले १२५ एमबिपिएस, १७५ एमबिपिएस र २५० एमबिपिएसको तीन वटा प्लान ल्याएको छ । यस सिरिजको मुख्य प्लान १७५ एमबिपिएसको इन्टरनेट हो, यसमा दुइवटा भायाटिभी समेत उपलव्ध हुनेछ ।
१७५ एमबिपिएस बार्षिक रुपमा लिने ग्राहकहरूले मासिक रु १ हजार २५० तिर्दा पुग्छ । यस प्याकेजमा भायानेटले निःशुल्क इन्टरनेट जडान, निःशुल्क सेट–टप–बक्स र सबै प्याकेजहरुमा १००० रिवार्ड अंक प्रदान गर्दैछ, जुन कारणले गर्दा अल्ट्रा–फाई सबैभन्दा आकर्षक इन्टनेट प्लान बनेको पाठक बताउँछिन् ।
नेपालमा १०० एमबिपिएस वा सो भन्दा उच्च गतिको इन्टरनेट उपलव्ध गराउने कम्पनीहरूको तुलना गर्दा भायानेटको यो प्याकेज सस्तो भएको देखिन्छ । यसको बारेमा थप जानकारकी यो लिंकबाट थाहा पाउन सकिन्छ ।
सिजिनेट, वल्रडलिंक र डिसहोमले क्रमस १२० र १०० एमबिपिएसको इन्टरनेट उपलव्ध गराइरहेका छन् । सिजीको उक्त प्याकेजको वार्षिक शुल्क ११ हजार ९९८ भएतापनि त्यसमा टिभीको प्याकेज समावेश गरिएको छैन । वर्ल्डलिंकको १०० एमबिपिएसको प्याकेजको शुल्क १९ हजार २०० छ भने डिसहोमको १०० एमबिपिएसको शुल्क १८ हजार ४९९ राखिएको छ ।