के.एल. दुगड समूह अन्तर्गतको स्वस्तिक आयल इण्डष्ट्रिज प्रा.लि लाई उत्कृष्ट निर्यात कम्पनीको रूपमा सम्मान गरिएको छ ।
आर्थिक वर्ष २०७७/७८ मा मोरङ सुनसरी औद्योगिक कोरिडोरबाट सर्वाधिक निर्यात गरी मुलुकको व्यापार घाटा न्यूनीकरण एवम् अर्थतन्त्रमा महत्त्वपूर्ण योगदान पुर्याइ उत्कृष्ट निर्यातकर्ता भएकोमा मोरङ व्यापार सङ्घले सम्मान गरेको हो ।
सङ्घले उक्त सम्मान आफ्नो ६५ औँ वार्षिक साधारण सभाको समुद्घाटन समारोहको अवसरमाअर्थमन्त्री श्री जनार्दन शर्मा बाट स्वस्तिक आयल इण्डष्ट्रिज प्रा.लि.का सञ्चालक श्री विकास दुगड ज्यूलाई प्रदान गरेको हो ।
स्वस्तिक आयल इण्डष्ट्रिज प्रा.लि.ले स्वस्तिक सोयाबिन तेल, धारा हेल्थ सनफ्लावार तेल, सनफ्लो सनफ्लावार तेल उत्पादन गरी बिक्री–वितरण गर्दै आइरहेको छ ।