नेकपा एमालेको १० औं महाधिवेशन चितवनमा चलिरहेको छ । अहिले बन्दसत्र हुने क्रममा छ । यस क्रममा पत्रकार सम्मेलनै गरेर सचिवमा उठने घोषणा गर्दै आफु प्रमुख दाबेदारी रहेको बताउदै आएका पूर्वमन्त्री महेश बस्नेतलाई ओलीले अहिले सो पदमा बस्ने बेला नभएको भन्दै सम्झाएका छन।
उनी केपी शर्मा ओलीको लागि ज्यान दिन समेत तयार हुने नेताको रुपमा चिनिन्छन् । एमालेको नेताहरु मध्य सबै भन्दा बढि ओली निकट महेश बस्नेत नै हुन ।
पार्टी र देशका लागि युवा पुस्ताको भूमिका बढाउन, एमाले अध्यक्ष केपी शर्मा ओली र एमालेको रक्षा कवचको रुपमा मुलुकको युवा शक्तिलाई परिचालन गर्न भन्दै मंसिर ६ गते उनले सचिव पदमा उम्मदवारी दिने घोषणा गरेका थिए ।
उनी आज दिउँसो ओली बसेको होटलमा पुगेर छलफल गरेका थिए । सचिव पदका उम्मेदवार बस्नेतलाई ओलीले सचिव पदमा बस्ने बेला नभएको भन्दै सम्झाएका हुन् । आफू युवा सङ्घको अध्यक्ष हुँदा होस् वा एमालेको केन्द्रीय सदस्य हुँदा पार्टीकै पक्षमा युवालाई एकताबद्ध बनाउन काम गरेको बताउँदै उनले आगामी दिनमा एमालेमा ऊर्जावान युवाको प्रवेश गराउन पनि महत्वपूर्ण भूमिका रहेको बताइन्छ ।