बलिउडका सफल गीतकार जावेद अख्तरले हाई प्रोफाइलका कारण बलिउड निरन्तर निशानामा परेको बताएका छन् ।
उनले, यही कारणले बलिउडका कलाकर्मीमाथि छापा मार्ने गरिएको पनि आरोप लगाएका छन् । नायक साहरुख खानका छोरा आर्यन खानको पक्राउको विषयमा पत्रकारले सोधेको प्रश्नमा उनले यस्तो जवाफ दिएका हुन् ।
सामाजिक सञ्जालमा आर्यन खानको विरुद्ध लगाइएको ड्रग्सको मुद्दा बलिउडलाई सोचविचार गरेर नै टार्गेट गरिएको चर्चा सामाजिक सञ्जालमा चल्ने गरेको छ ।
जावेदले भने–‘यस्तो नजिता बलिउड नगरी हाई प्रोफाइल भएका कारण बारम्बार चुकाउनु परिरहेको छ । जब तपाई हाई प्रोफाइल हुनुहुन्छ, तब मानिसहरू तपाइलाई गिराएर रमाउन चाहन्छन् । यदि, तपाई केही पनि हुनुहुन्न भने तपाइलाई ढुङ्गा हिर्काउने फुर्सद कोसँग छ ?’
उनले मिडियाप्रति लक्षित गर्दै भने–‘एउटा बन्दरगाहमा एक अरब डलरको कोकिन मिल्छ । यस्तै, अर्को एक ठाउँमा १२ सय मानिस भेला हुन्छन् । त्यहाँ गाँजा र १ लाख ३० हजार रुपैयाँ भेटिन्छ । अब, मिडियामा यही नै राष्ट्रिय समाचार बन्छ तर अरबौँ डलरको कोकिनमाथि कुनै हेडलाइन बन्दैन ।’
उनी जस्तै अन्य बलिउडकर्मीहरू पनि आर्यनलाई पक्राउ गरेकोमा रुष्ट भएका छन् । मुस्लिम अपराधी हैनन् भनेर सन्देश छर्ने शाहरुखका छोरा माथि सरकारले रिसिबी साँधेको उनीहरूको भनाइ छ ।
