निरन्तर वर्षाका कारण आएको बाढी पहिरोमा परी छ जनाको मृत्यु भएको छ ।
त्यस्तै बाढी र पहिरोबाट देशका १९ जिल्ला प्रभावित भएका छन् भने बाढी र पहिरोमा पाँच जना वेपत्ता पाँच सय घर धुरीमा क्षति भएको गृह मन्त्रालयका प्रवक्ता फणिन्द्रमणी पोखरेलले बताए ।
यस बीच गृह मन्त्रालय अन्तर्गतको राष्ट्रिय आपत्कालिन कार्य सञ्चालन केन्द्रले जनाएको छ । मंगलबार कालिकोटको महाबै गाउँपालिकामा आएको पहिरोमा परी विष्णुलाल अधिकारीको घर पुरिएको र वर्ष अन्दाजी १८ वर्षकी छोरी स्मृति अधिकारीको मृत्यु भएको जनाइएको छ ।
यसैगरी, डडेलधुरामा बाढीसँगसँगै आएको पहिरोमा परि घाइते हुनुभएको गन्यापधुरा गाउँपालिका– १, भात्काडाका ३२ वर्षिया विष्णु अवस्थीको उपचारको क्रममा ज्यान गएको छ ।
डोटीको सायल गाउपालिका–६, मेल्लेखमा आएको पहिरोमा लिबहादुर पुन्जडाको घर भत्किदा निजको १४ वर्षिय छोरा सागर पुन्जडा र ११ वर्षको अर्का छोरा आषिश पुन्जडा गरी दुई जनाको ज्यान गएको छ ।
सुनसरीको धरान उपमहानगरपालिका – १३ नागे श्वर मार्गमा आएको पहिरोमा विशाल राईको घर पुरिदा राईका आठ वर्षिय छोरी र चार वर्षिय छोरा दुवैको मृत्यु भएको गृह मन्त्रालयले जनाएको छ ।
बझाङको थलारा गाउँपालिका वडा नं ४ डिख्लामा मंगलबार बिहान ४ बजे पहिरो जाँदा २३ जना बेपत्ता भएका छन् ।