दक्षिण एसियाली राष्ट्रको सर्वाधिक ठुलो फुटबल प्रतियोगिता साफ च्याम्पियनसिपको १३औं संस्करण आज शुक्रबारबाट सुरु हुँदै छ । साफको पहिलो दिन आज शुक्रबार दुई खेलहरू हुनेछन् । उद्घाटन खेलमा श्रीलङ्का र बङ्गलादेशले खेल्नेछन् । यसअघि नेपाल र माल्दिभ्सले उद्घाटन खेल खेल्ने तालिका थियो । तर दक्षिण एसियाली फुटबल महासङ्घ ९साफ०ले बिहीबार तालिका परिवर्तन गरेसँगै उद्घाटनमा श्रीलङ्का र बङ्गलादेश भिड्ने भएका हुन् ।
उद्घाटन खेल नेपाली समयानुसार ४ः४५ मा सुरु हुने छ भने नेपाल र माल्दिभ्सबीचको खेल राति ९ः४५मा सुरु हुने छ । नयाँ तालिकाअनुसार नेपालले समूह चरणका चारमध्ये तीन तीन खेल राति खेल्न छ भने एक खेल दिउँसो खेल्ने छ । साफ च्याम्पियनसिप अक्टोबर १ देखि १३ ९असोज १५ देखि २७० सम्म आयोजना हुनेछ ।
माल्दिभ्सको राजधानी मालेस्थित राष्ट्रिय फुटबल रङ्गशालामा हुने साफ च्याम्पियनसिपमा नेपालसहित बङ्गलादेश, श्रीलङ्का, भारत, नेपाल र माल्दिभ्स गरी पाँच टोली सहभागी हुनेछन् । भुटान र पाकिस्तान सहभागी नभएपछि यो पाटक साफ च्याम्पियनसिपमा पाँच टिम मात्र सहसभागी छन् । पाँच टिमले एक–आपसमा खेलेपछि शीर्ष दुई टिमले असोज ३० गते उपाधिका लागि खेल्ने छन् ।
पहिलो खेलमा नेपाल घरेलु टिमविरुद्ध मैदान उत्रँदा सुखद नजिता आत्मसाथ गर्न चाहन्छ । नेपाली टिमका मुख्य प्रशिक्षक अब्दुल्लाह अलमुताइरीले पटक पटक–साफको उपाधि जित्ने लक्ष्य रहेको बताउँदै आएका छन् । तर नेपाललाई साफको उपाधि जित्न सहज भने हुने छैन । साफको इतिहासमा नेपाल फाइनलसम्म पुग्न सकेको छैन ।
यता, कप्तान किरण चेम्जोङले आफूको लक्ष्य उपाधि भएको बताएकाले राम्रो प्रदर्शन गर्ने बताए । प्रतियोगिता सुरु हुनुअघिको प्रिम्याच कन्फ्रेन्समा उनले उपाधिका लागि अन्तिमसम्म फाइट गर्ने र कुनै टिमसँग नडराउने बताए ।
‘माल्दिभ्सलाई घरेलु मैदानको फाइदा हुनेछ, उनीहरुलाई घरेलु समर्थकको साथ हुनेछ । तर, त्यसले हामीलाई फरक पार्दैन । हामी गोर्खाली हौं, कसैसँग डराउने छैनौं,’ किरणले भने । किरणले यस पटक नेपाली टिममा युवा र अनुभवी खेलाडीको मिश्रण रहेको बताए । उनले युवा खेलाडीहरु राम्रा भएको बतउाँदै टिममा युवा र सिनियर खेलाडीको राम्रो कम्बिनेसन भएकाले राम्रो नतिजाको अपेक्षा गरेको बताए ।
फाइनल पुग्ने लक्ष्य रहेको बताउँदै किरणले त्यसका लागि सबै खेल जित्नुपर्ने बताए । उनले भने, ‘यसपटक हामी हरेक खेलमा कडा मेहनत गर्नेछौं। फाइनल पुग्न हरेक खेल जित्नुपर्छ । हरेक खेल कठिन हुन्छ ।’
हेड टू हेड हेर्दा माल्दिभ्सविरुद्ध नेपालको इतिहास निकै कमजोर छ । नेपाल र माल्दिभ्सबीच जम्मा १६ खेल भएका छन्, जसमा माल्दिभ्सले आठ खेल आफ्नो पक्षमा पारेको छ भने नेपालले चार खेल जितेको छ । बाँकी चार खेल बराबरीमा सकिएको छ ।
प्रशिक्षक अलमुताइरीले साफका लागि किरण चेमजोङको कप्तानीमा २३ सदस्यीय टिमको घोषणा गरेका हुन् । नेपाली टोलीबाट दुई खेलाडी बाहिरिएका छन् । गोलकिपर विकेश कुथु र राजन गुरुङ टिमबाट बाहिरिएका हुन् ।
नेपाली टिममा किरणका साथै दीप कार्की, विशाल श्रेष्ठ, दिनेश राजवंशी, सुरजज्यु ठकुरी, अनन्त तामाङ, गौतम श्रेष्ठ, सुमन अर्याल, नीतिन थापा, विशाल राई, सुनिल बल, आशिष लामा, पुजन उपरकोटी, सुमन लामा, तेज तामाङ, अन्जन विष्ट, सुजल श्रेष्ठ, सन्तोष तामाङ, नवयुग श्रेष्ठ, आयुष घलान, मनिष डाँगी, कमल थापा र रोहित चन्द समावेश छन् ।
