सुदूरपश्चिम प्रदेश सरकारको नेतृत्व काँग्रेसले गर्ने भएको छ ।
चार दलीय गठबन्धनमा बन्ने प्रदेश सरकारको नेतृत्व काँग्रेस संसदीय दलका नेता डा. रण बहादुर रावलको निश्चित भएको छ । केन्द्रमा बनेको गठबन्धनको सहमतीअनुसार सुदूरपश्चिममा काँग्रेसको नेतृत्वमा सरकार बन्न लागेको हो ।
एमाले औपचारिक रुपमा विभाजन भएपनि गठबन्धनलाई प्रदेशमा नयाँ सरकार गठन गर्ने बाटो खुलको हो ।काँग्रेसको नेतृत्वमा नेकपा एमालेबाहेक गठनबन्धनमा रहेका माओवादी केन्द्र, नेकपा एकीकृतत समाजवादी र जनता समाजवादी पार्टीले सयुक्त सरकार बनाउने गरि केन्द्रमा छलफल भइरहेको छ ।
‘काँग्रेसको नेतत्वमा सरकार गठन गर्ने भन्ने विषयमा औपचारिक केही आएको छैन,’ संसदस्य दलका नेता डा. राववले केटिएम दैनिकसँग भने, ‘तर यस विषयमा गठनबन्धन सकारात्मक छ’। केन्द्रमा गठबन्धन भएकाले सबैलाई मिलाएर लैजानुपर्ने हुन्छ । केही दिन समय लाग्न सक्छ ।’ काँग्रेसले नेतृत्व गरे संसदीय दलका नेता रावल मुख्यमन्त्री हुनेछन् । प्रदेशसभामा काँग्रेसका १२, माओवादी केन्द्रका १३ र जसपाका दुई जना गरी २७ जना सांसद छन् । यो संख्या सरकार गठनका लागि पर्याप्त हुन्छ ।
गठनबन्धनमा माधव समूहको नेकपा एकीकृत (समाजवादी) पनि भएकाले सरकारमा सहभागी हुनेछ । सुदूरपश्चिममा एकीकृत समाजबादीमा अहिलेसम्म सुदूरपश्चिम प्रदेशसभामा प्रतिनिधित्व गर्ने दुई जना मात्रै खुलेका छन् । प्रदेश सरकारका प्रवक्तासमेत रहेकी आन्तरिक मामिला तथा कानून मन्त्री पूर्णा जोशी र पूर्व उद्योग, पर्यटन, वन तथा वातावरण मन्त्री माया भट्ट मात्रै नेकपा एकीकृत (समाजवादी)मा देखिएका छन् । दुबै जना एकीकृत समाजबादीको केन्द्रीय समिति सदस्य समेत रहेका छन् ।
विगतमा माधव समूहमा एमालेका २५ मध्ये १८ जना खुलेका थिए। माधव समूहमै रहेका एमालेका सांसदहरु अहिले प्रदेश सरकारमा सामेल पनि छन् ।