सुदूरपश्चिम प्रदेश सरकारको आर्थिक वर्ष २०७७÷७८ को वार्षिक समीक्षा पत्रकारलाई निषेध गरिएको छ । कार्यक्रम बन्द कोठामा चलिरहेको छ । बिहान ११ बजेदेखि सुरु भएको कार्यक्रममा पत्रकारलाई फोटो खिच्न मात्र अनुमति दिएको छ ।
फोटो खिचिसकेपछि पत्रकारलाई बाहिर जान भनिएको छ । वरिष्ठ पत्रकार चित्राङ्ग थापाले समीक्षा कार्यक्रममा पत्रकारलाई बस्न नदिनु दुर्भाग्यपूर्ण भएको बताए ।
समीक्षा कार्यक्रममा पत्रकारलाई बस्न नदिने हो भने समीक्षा कसका लागि हो र उनको प्रश्न छ । समीक्षा कार्यक्रममा सात वटा मन्त्रालयका मन्त्री, राज्यमन्त्री, प्रदेश सचिव, सात वटै मन्त्रालयका सचिव, सूचना अधिकारीलगायतको सहभागिता छ ।
सरकारी निकायका हरेक समीक्षा कार्यक्रम सार्वजनिक हुने गरेका भए पनि सुदूरपश्चिम प्रदेश सरकारले भने पत्रकार लाईसमेत प्रवेश अनुमति दिने गरेको छैन ।
प्रदेश सरकारले आन्तरिक समीक्षा भन्दै पत्रकारलाई प्रवेशमा रोक लगाउने गरेको छ । सार्वजनिक रूपमा समीक्षा कार्यक्रम गर्ने गरेको छैन ।