आजदेखि कोभिसिल्डको पहिलो मात्रा लगाएकाहरूलाई एस्ट्राजेनका खोप लगाइँदै छ । चैतमा पहिलो मात्रा लगाएका ६५ वर्ष माथिका ज्येष्ठ नागरिक र अन्य गरी झन्डै १३ लाख ६५ हजार जनालाई एस्ट्राजेनका लगाउन लागिएको हो ।
सो खोप भुटान र जापानले उपलब्ध गराएका हुन् । नेपालले भारत सरकार सँग खरिद गरेको २० लाख मात्रा कोभिसिल्ड मध्ये १० लाख मात्रा उपलब्ध नगराउँदा उपलब्ध नगराएपछि दोस्रो मात्रा डोज लगाउन ढिलाइ भएको हो ।
स्वास्थ्य मन्त्रालयले मिर्गौलाले काम नगरी डायलिसिस गर्नुपर्ने, डायलिसिस गरेका, अङ्ग प्रत्यारोपण गरेका तथा क्यान्सर रोगका बिरामीलाई एस्ट्राजेनका खोप दिने प्राथमिकता राख्ने निर्णय गरेको छ । खोप लगाउन काठमाडौँ जिल्लामा मात्र १४४ वटा खोप केन्द्र तोकिएको छ ।
काठमाडौँ महानगरपालिकामा १७ वटा खोप केन्द्र तोकिएको छ। यस्तै, कीर्तिपुर नगरपालिकामा १०, चन्द्रागिरि नगरपालिकामा १५, नागार्जुन नगरपालिकामा १०, तारकेश्वर नगरपालिकामा ११, दक्षिणकाली नगरपालिकामा ९, बुढानीलकण्ठ नगरपालिकामा १३, टोखा नगरपालिकामा ११, गोकर्णेश्वर नगरपालिकामा ९ र कागेश्वरी मनोहरा नगरपालिकामा ९ वटा खोप केन्द्र तोकिएको छ ।
स्वास्थ्य मन्त्रालयले कोभिसिल्ड खोपको विकल्पमा एउटै प्रकृतिको खोप एस्ट्राजेनेका भएकाले सो खोप लगाउन लागिएको बताएको छ । स्वास्थ्य मन्त्रालयका अनुसार जापानबाट पाँच लाख १३ हजार र भुटानबाट तीन लाख मात्रा खोप प्राप्त भएको छ ।
साढे चार महिना अघि कोभिडविरुद्धको खोप कोभिसिल्ड लगाएकाहरूलाई सरकारले दोस्रो डोजको रूपमा एस्ट्राजेनेका लगाउने योजना बनाएको थियो ।
थप तस्विरहरू
