काँग्रेस प्रवक्ता भन्छन् : १२ परीक्षा रद्द गर्नु नै ठिक

काँग्रेस प्रवक्ता विश्वप्रकाश शर्मा कोरोना महामारीको तेस्रो लहर आउन लागेको हुँदा कक्षा १२ को परीक्षा रोक्नुपर्ने नै उचित भएको बताएका छन् ।

सामाजिक सञ्जाल ट्विटरमार्फत प्रवक्ता शर्मा लेख्छन् “परीक्षा जरुरी, जीवनरक्षा झनै जरुरी, कि सुरक्षाको भरपर्दो व्यवस्थापन सुनिश्चित गरियोस् कि परीक्षा रद्द गरियोस् ।”

केहीदिन अगाडि स्वास्थ्य राज्यमन्त्री उमेश श्रेष्ठले कक्षा १२ को परीक्षा रद्द गर्ने विषयमा मन्त्रालयहरूसँग छलफल गर्ने बताएका थिए ।

गत वैशाखमा हुनुपर्ने परीक्षा कोरोना महामारीका कारण हुन सकिरहेको छैन । निर्धारित समयभन्दा चार महिना पछाडि राष्ट्रिय परीक्षा बोर्डले साउन ३१ गतेदेखि विद्यार्थीको भौतिक उपस्थितिमै परीक्षा लिने अडानका साथ परीक्षा तालिका नै सार्वजनिक गरिसकेको छ । बोर्ड आफ्नो निर्णयबाट पछाडि हटिसकेको छैन ।

परीक्षा गत वैशाखमै सम्पन्न हुनुपर्ने थियो । तर कोभिड–१९ महामारीको दोस्रो लहर फैलिएपछि चार महिना पछाडि सरेको हो । गत जेठ २६ गते तय भएको परीक्षा दोस्रो लहरको कोरोना संक्रमणको तीव्र गतिमा फैलन थालेपछि स्थगित भएको थियो । यस पटक तीन लाख ८६ हजार विद्यार्थीले परीक्षा फाराम भरेको परीक्षा नियन्त्रण कार्यलयले जनाएको छ ।

परीक्षा जरुरी, जीवन रक्षा झनै जरुरी !
कि सुरक्षाको भरपर्दो व्यवस्थापन सुनिश्चित र सुसूचित गरियोस् कि #CancelNEBExams

म मेरो छोरीको सुरक्षित भविष्य चाहन्छु l त्यसैले चाहन्छु अरू धेरै छोरिछोराको भविष्य सुरक्षा l सम्बन्धित निकायसँग उचित समाधानका लागि संवाद गर्दैछौं हामी l

— Bishwa Prakash शर्मा (@bishwaprakash77) August 6, 2021

परीक्षा तालिकासँगै परीक्षा मोडल पनि सार्वजनिक भइसक्दासमेत विद्यार्थीहरू परीक्षा भौतिक उपस्थितिमा गराउन नहुने बताउँदै आइरहेका छन् । स्वास्थ्यभन्दा ठुलो परीक्षा नहुने भन्दै विद्यार्थीहरू भौतिक उपस्थितिमा परीक्षा नराउन राष्ट्रिय परीक्षा बोर्डसँग अनलाइन परीक्षाका लागि आवाज उठाइरहेका छन् । यसमा विभिन्न विद्यार्थी सङ्गठनले पनि साथ र सहयोग गरिरहेका छन् ।
[wpna hide=’ia’]

यो पनि पढ्नुहोस