भारतीय सीमा सुरक्षा बल एसएसबीले तुइन काट्दा बेपत्ता भएका दार्चुलाको जयसिंह धामीको विषयमा नेकपा एमाले ओली समर्थित युवा सङ्घले आज काठमाडौँमा प्रदर्शन गरेको छ ।
काठमाडौँको नयाँ बानेश्वरमा गरिएको विरोध प्रदर्शनमा सरकार विरोधी नारा लगाउनुको साथै गृहमन्त्रीको राजीनामा माग गरिएको छ । प्रदर्शनकारीले घटनाको सत्य तथ्य पत्ता लगाउन सरकारलाई अनुरोध समेत गरेको छ ।
गत शुक्रवार एक नेपाली हराइरहेको घटनाको विरोधमा नेकपा एमाले ओली पक्ष समर्थित युवा सङ्घ ले आज काठमाडौँको नयाँ बानेश्वर मा प्रदर्शन गरेको छ ।
शुक्रवार बिहान घरबाट काठमाडौँका लागि हिँड्दा दार्चुलाको व्याँस गाउँपालिका– २ मालगाउँका जयसिंह धामीको महाकाली नदीमा लगाइएको तुइनबाट नदी पार गर्ने क्रममा भारतीय एसएसपीले तुइन काटिदिँदा उनी बेपत्ता भएका हुन् । सेना, सशस्त्र प्रहरी, नेपाल प्रहरी र स्थानीयले जयसिंहको खोजी गरिरहेका छन्। तर, यो समाचार तयार पार्दासम्म उनी भेटिएका छैनन् ।
हेरौँ तस्बिरहरू