नेपाल शिक्षक महासङ्घ सुदूरपश्चिम प्रदेश कमिटीले विभिन्न माग राख्दै शुक्रवार सुदूरपश्चिम प्रदेशको सामाजिक विकास मन्त्रालयमा रिले अनशन गरेका छन्।
सबै माग पूरा गर भन्ने ब्यानर टाँगेर उनीहरूले मन्त्रालयमा तीन घण्टा रिले अनशन गरेका हुन्।आफ्ना विभिन्न ३४ बुँदे मागलाई अघि सार्दै उनीहरू लामो समयदेखि आन्दोलित छन्।
विगतमा शिक्षकहरूका ३० बुँदे माग सम्बोधन गर्ने गरी सम्झौता भए पनि कार्यान्वयन नहुँदा पुनः आन्दोलित हुनुपरेको आन्दोलन परिचालन समितिका संयोजक केशवराज भट्टले बताए ।
विद्यालय कर्मचारीको तलब सुविधा, बाल विकास शिक्षकको तलब सुविधा, शिक्षक बढुवामा देखिएको समस्या समाधान, राहत शिक्षकहरूलाई कोटा तथा नेपालको शिक्षा प्रणालीलाई व्यवहारिक र गुणस्तरीय बनाउनुपर्ने माग राखेका छन् ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
