नारायणघाट-मुग्लिन सडकखण्डमा खसेको ढुंगो (तस्बिरहरू)

चितवनस्थित नारायणघाट-मुग्लिन सडकखण्डमा ठूलो ढुंगो खसेको छ।

अविरल वर्षापछि पहिरोसँगै ठूलो ढुंगो सडकमा खसेपछि दुई घण्टा सडक नै अवरूद्ध भएको थियो। बिहीबार अपरान्ह खसेको ढुंगो अहिलेसम्म हटाउन सकिएको छैन। भरतपुर महानगरपालिका– २९ मा पर्ने १४ किलोमा हिजो राति ढुंगो खसेको हो । ढुंगोलाई अहिलेसम्म हटाउन सकिएको छैन । सडकको बीचमा ढुंगो रहेकोले सवारीसाधन सञ्चालनमा समस्या छ।
ढुङ्गा ठूलो भएका कारण यसलाई फुटाएर हटाउने तयारी भइरहेको सडक डिभिजन कार्यालय भरतपुरले जनाएको छ । कार्यालयका ईञ्जिनियर शिव खनालले एक्साभेटरले धकलेर ढुङ्गा अन्यत्र सार्न सक्ने अवस्था नभएकाले फोर्ने तयारी गरिएको छ ।

यो ढुंगा खसेको ठाउँ नजिकै एउटा पसल थियो। त्यहाँका मानिस भने सुरक्षित छन्। सडकको छेउमा रहेको पहिरो पन्छाएर सो स्थानमा एकतर्फी यातायात सञ्चालन गराइएको जिल्ला ट्राफिक प्रहरी कार्यालय चितवनले जनाएको छ । ढुङ्गा सडकको बीच भागमै रहेको छ । ढुङ्गा सडकमा खसेपछि दुई घण्टा सडक नै अवरूद्ध भएको थियो ।

निरन्तर परिरहेको झरीले सो सडकखण्डको ठाउँठाउँमा पहिरो गइरहेको छ ।

सबै तस्विरहरु : हिरालाल आचार्य ‘डायमण्ड/ नारायणी अनलाइन

अन्तिम पटक अध्यावधिक गरिएको: शुक्रवार, असार १८ २०७८ ११:४५:३२
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।

प्रतिक्रिया दिनुहोस

सम्वन्धित समाचार

सबै