हामीले निर्माण गर्दै गरेकाे घरलाई थाेरै पनि सावधानी अपनाउन सकियो भने वास्तुशास्त्रकाे नियम अनुसार नै घर निर्माण गर्न सक्छौ । वास्तुशात्र मिलाउँदा लागत बढ्नु भन्दा पनि सानातिना झन्झटिला कामहरू वास्तुशास्त्रकाे सकारात्मक ऊर्जाका कारण छोटो समयमै समाधान गर्न सकिने वास्तुविद्ले जानकारी गराए ।
वास्तुशास्त्रले त केवल घरको मेनढाेका कुन दिशातर्फ फर्काउने, पानीको स्रोत या इनार कता बनाउने, शौचालय तथा सेप्टी ट्याङ्की कुन दिशातर्फ बनाउँदा शुभ हुन्छ । भ्याङ्ग,बच्चाहरू पढ्ने कोठा,मिटिङ्ग रुम आदि कसरी मिलाएर भन्ने मुख्य रुपमा वास्तुशास्त्रले मिलाउने हो ।
विशेष गरी उत्तर अथवा उत्तर पूर्वी दिशामा भुलेर पनि ट्वाइलेट र सेप्टी ट्याङ्की बनाउनु हुँदैन ।त्यस्तै दक्षिण पश्चिमी कुनामा पानीको इनार, मेनगेट या कुनै पनि प्रकारको खाडल बनाउनु हुँदैन । वास्तुका हिसाबले यी क्यान्सर रोग जस्तै हो ।
आजकाल हामी सबै जना आफ्नो जीवन जिउन कुनै न कुनै काममा लागिरहेका हुन्छौँ ।
कडा भन्दा कडा मेहनत पनि गरिएका हुन्छौँ । हरेक कुरामा सफलता प्राप्त गर्नका लागि काम मात्र गरेर हुँदैन सफलताका लागि कहीँ न कहीँ भाग्यको पनि सहायता हुनुपर्छ ।
भाग्यले हामीलाई त्यो बेला मात्रै सहयोग गर्नेछ, जुनबेला हामीले गर्ने काम सही स्थानमा बसेर गरेको हुनुपर्छ । घर, कार्यालय, होटेल, पसल, बैंकलगायतका क्षेत्रमा बसेर काम गर्दा सही दिशाको छनोट गर्न सकियो भने थोरै मात्र मेहनतले पनि धेरै परिणाम दिन सफल हुन्छ ।
यदि काम लगाउने वा गर्ने दिशा गलत भयो भने राम्रो काम हुनुभन्दा त्यसको परिणाम ठिक उल्टो हुन्छ । त्यसैले सफलता प्राप्तिका लागि भाग्य, कर्म र वास्तुको बराबर रूपमा मिलेको हुनु आवश्यक छ ।
हामी जुन स्थानमा बसेर काम गरिरहेका हुन्छौँ, त्यहाँको ऊर्जा कस्तो छ भनेर जाँच गर्ने सकियो भने मात्रै हाम्रो काम सफल र व्यवसाय नापामुखी हुन्छ ।
सकारात्मक ऊर्जाले मात्रै हाम्रो कामलाई दुई गुणा बढाउने काम गर्छ, ठिक नकारात्मक ऊर्जाले गरेका कामहरूलाई नराम्रोसँग बिगारेको हुन्छ । आफ्नो व्यवसायलाई राम्रो गर्नका लागि मुख्य गरि सकारात्मक ऊर्जा भएको दिशा मिलाउन सकियो भने सजिलोसँग हामीले जीवन सञ्चालन गर्न सक्छौ ।
वास्तुशास्त्रकाअनुसार मानिसलाई उसले गर्ने अलग अलग पेसा अनुसार फरक फरक स्थानमा बस्दा सफलता मिल्छ ।
यदि तपाईँ दिनभरि अफिसमा बसेर काम कारोबार गर्नुहुन्छ भने सबैभन्दा राम्रो ईशान कोण यानिकि उत्तर पूर्वको कोठामा सबैभन्दा राम्रो मानिन्छ । त्यसको अलावा दक्षिण पश्चिमी कोठा नैरित्य कोणलाई पनि राम्रो ऊर्जा भएको कोठा मानिन्छ ।
उक्त कोठामा बसेर कार्यालय सञ्चालन गर्दा मान सम्मानमा वृद्ध र उच्चस्तरीय नेतृत्वमा पुग्ने वास्तु शास्त्रको धारणा छ । व्यापारीहरूका लागि नैरित्य कोण सबैभन्दा राम्रो मानिन्छ, उक्त कोणमा बसेर काउन्टर बनाई व्यवसाय गर्नेहरू राम्रो स्थानमा पुग्ने वास्तु शास्त्रमा उल्लेख गरिएको छ ।
अफिसमा जहिले पनि मन्दिर ईशान कोण यानिकि उत्तर पूर्वको कोणमा हुनु आवश्यक छ । अफिसमा भएका प्रमाणपत्रहरूलाई पश्चिमी भित्तामा सजाउँदा तपाईँको अफिस वास्तु सम्मत हुन्छ र सोचेअनुरूप व्यवसाय सफल हुन्छ । हरेक क्षेत्रमा सफलता प्राप्तिका लागि त्यहाँको ऊर्जा, घरको रङ्ग र सजावट आदि कुराले महत्त्व राख्दछ ।
प्राचीन वास्तु विज्ञानले बस्नका लागि उत्तर दक्षिण फैलिएको जग्गा अत्यन्तै शुभ मान्दछ । उत्तर दक्षिण फैलिएको जग्गामा पूर्वी भाग धेरै हुन्छ र हामीलाई पूर्वबाट आउने सूर्यको किरणले राम्रो स्वास्थ्य र तीक्ष्ण स्मरण शक्ति पूर्णरूपीमा प्राप्त हुन्छ । जसको कारणले उक्त घरमा बसोबास गर्ने सम्पूर्णको मनोकामना सिद्ध हुन्छ ।
त्यस्तै व्यापार गर्नका लागि पूर्व र पश्चिम फैलिएको जग्गा अरूको तुलनामा धेरै तरिकाबाट शुभ मानिन्छ किनकि पूर्व पश्चिम फैलिएको जग्गामा उत्तर दिशा धेरै खालि हुन्छ, पूर्वबाट हेल्थलाई चाहिने ऊर्जा आउने हो भने उत्तरबाट धन सम्पत्ति, मान–सम्मान राम्रो सम्बन्ध लगायतका कुराहरूको ऊर्जा प्राप्त हुने हो ।
कुबेरको धनको भन्डार पनि उत्तर दिशामा नै रहेकाले उत्तर धेरै भएको जग्गाले सम्पत्तिमा वृद्धि गराउँदछ ।
थप जानकारीका लागि :- ज्योतिष तथा वास्तुविद् सुरेश चन्द्र रिजाल ९८५१०६११२४