खाद्य व्यवस्था तथा व्यापार कम्पनी लिमिटेडले निषेधाज्ञाको अवधिमा खाद्य सामाग्रीमा भिड बढेपछि जिल्ला प्रशासन कार्यालय जुम्लाको सिफारिसमा बारअनुसार विभिन्न पालिकाहरुमा बसाेवास गर्ने व्यक्तिहरुलाई खाद्यान्न वितरण गरिने भएको छ ।
खाद्य व्यवस्था तथा व्यापार कम्पनी लिमिटेड जुम्ला शाखाले एक सूचना जारी गर्दै असार २ गतेदेखि बुधबार, बिहीबार र शुक्रबार चन्दनाथ नगरपालिका, आइतबार पातरासी गाउँपालिका, सोमबार गुठीचौर गाउपालिका र मङ्गलबार अन्य गाउँपालिका तथा जिल्लाका वासिन्दाहरुलाई खाद्य सामाग्री वितरण गरिने जनाएको छ ।
बुधबार चन्दनाथ नगरपालिकाको १ देखि ३ वडा बिहीबार ४ देखि ६ वडा र शुक्रबार ७ देखि १० नम्बर वडाका बासिन्दालाई खाद्यान्न वितरण गरिने भएको हो ।
दैनिक बढीमा १ सय जनालाई बिहान ७ देखि १० बजेसम्मको समयमा खाद्यान्न वितरण गरिने शाखा प्रमुम तिलक सुनारले जारी गरेको सूचनामा जनाइएको छ ।
