सुर्खेतमा निषेधाज्ञा खुकुलो बनाएर १० दिन लम्ब्याउने तयारी गरिएको छ ।

जिल्ला कोभिड व्यवस्थापन समिति र जिल्ला सुरक्षा समितिको बैठकको सिफारिस अनुसार प्रमुख जिल्ला अधिकारीले निषेधाज्ञा लम्ब्याउने तयारी गरेका हुन् ।

सुर्खेतमा प्रमुख जिल्ला अधिकारी छविलाल रिजालले अब हरेक दिन बिहान ६ बजेदेखि ११ बजेसम्म हरियो तरकारी, फलफूल, खाद्यन्न, दुध, माछा/मासु, अण्डा, एग्रोभट, विउविजन, रासायनिक मल, खाना पकाउने ग्यास लगायतका दैनिक उपभोग्य सामान विक्री वितरण गर्ने पसल व्यवसायहरु खोल्न तयारी भैरहेको बताए । ‘यसबारे सूचना तयार हुँदैछ त्यसपछि हामी सार्वजनिक गर्नेछौं ।’ रिजालले केटिएम दैनिकसँग भने ।

पछिल्लो पटक थप गरिएको निधेषाधाज्ञा आजराती १२ बजेदेखि सकिँदै छ ।