कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा पिसिआर परीक्षण गर्दा जुम्ला  कारागारका १५ जना कैदी बन्दीलाई कोरोना सङ्क्रमण देखिएको छ। कैदी बन्दीमा ज्वरो आउन र खोकी लाग्न थाले पछि  स्वाब सङ्कलन गरी  पिसिआर परीक्षण गर्दा  उनीहरूमा कोरोना सङ्क्रमण देखिएको हो ।

कारागार भित्रका दुई महिला र १ सय २१ पुरुष गरी १ सय २३ जना कैदी बन्दी मध्ये १५ जना पुरुषलाई कोरोना सङ्क्रमण देखिएको जिल्ला प्रहरी कार्यालयले जनाएको छ ।  सङ्क्रमित १५ जना मध्ये एक जना ७७ वर्षीय पुरुषको कर्णाली स्वास्थ्य विज्ञान प्रतिष्ठानको आइसोलेसन कक्षमा उपचार भइरहेको छ ।

अन्य सङ्क्रमितलाई कारागारभित्रै छुट्टै आइसोलेट गरिएको कारागार कार्यालय जुम्लाले जनाएको छ । कारागारभित्रै आइसोलेट गरिएका कैदी बन्दिलाई भने सङ्क्रमणका लक्षण नदेखिएको बताइएको छ ।

अपडेट : ७७ वर्षीया पुरुषको उपचारको क्रममा ज्यान गएको छ ।