पशुपति आर्यघाटमा विवेकशील साझा पार्टीका पूर्वसंयोजक तथा वैकल्पिक राजनीतिका अभियन्ता उज्वल थापालाई साझा पार्टीकी रञ्जु दर्शना र आलोक सुवेदीले संयुक्त रुपमा दागबत्ति दिएका छन् ।
कोरोना सङ्क्रमण भएर काठमाडौंको मेडिसिटी अस्पतालमा उपचार गराइरहेका ४४ वर्षीय थापाको आज अपरान्ह ४: २५ बजे अस्पतालमा निधन भएको हो ।
कोरोना संक्रमणसमेत भएपछि जेठ महिनाको सुरुमा अस्पतालमा भर्ना भएका थापाको सोमबार मात्र कोरोना रिपोर्ट नेगेटिभ आएको थियो । कोरोना संक्रमणपछि स्वास्थ्यस्थिति जटिल बन्दै गएपछि उनलाई अस्पताल भर्ना गरिएको थियो । यसअघि ग्रान्डी अस्पतालमा उपचाररत उनलाई एक्मो विधिबाट उपचार गर्न मेडिसिटी भर्ना गरिएको थियो ।
थापाको परिवारले संक्रामक रोगको समयमा अन्तिम संस्कार साधारण पारिवारिक तवरले गर्ने इच्छा भएकोले सम्भव भएसम्म सहभागी नभइदिनुहुन अनुरोध गरेको भएतापनि उनको अन्तिम बिदाईमा आफन्तहरु र शुभचिन्तकहरु सहभागी भएका छन् ।
केही तस्विरहरू