प्रधानमन्त्री केपी शर्मा ओलीले नेपालमा कोभिड–१९ महामारीविरुद्धको लडाई नियन्त्रणमै रहेको बताएका छन् ।
शनिबर अपरान्ह १२ बजे अन्तराष्ट्रिय सञ्चार माध्यम सिएनएन इन्टरनेशनलको प्रत्यक्ष प्रसारणमा बोल्दै प्रधानमन्त्री ओलीले अहिलेसम्म नेपालले कोरोना महामारी नियन्त्रणका लागि पहल गरिरहेको बताएका छन् । उनले आगामी दिनमा हुनसक्ने संकटलाई मध्यनजर गर्दै विश्व समुदायलाई सघाउन पनि विशेष अनुरोध गरेका छन् । नेपालमा पनि दोस्रो लहरको कोरोना महामारीले भयावह रुप लिदै गर्दा प्रधानमन्त्री ओलीले विश्वसामु यस्तो अपिल गरेका हुन् । उनले सरकारले यसको नियन्त्रणका लागि सक्दो प्रयास गरी रहेको समेत बताए ।
प्रधानमन्त्रीका प्रेस सल्लाहका सूर्य थापाका अनुसार ओलीले शनिबार दिउँसो १२:०१ बजे ‘लाइभ’ अन्तर्वार्ता दिएका हुन्। पछिल्ला दिनमा नेपालमा दैनिक ९ हजारको हाराहारीमा संक्रमण पुष्टि भइरहेको छ।
पत्रकारले प्रश्न गरेका छन्, ‘नेपालमा कोरोना रोकथामका लागि स्वास्थ्य सामग्रीको बन्दोबस्त कस्तो छ ?’
उत्तरमा प्रधानमन्त्री ओलीले भने, ‘तपाईको प्रश्नलाई धन्यवाद ! म छिमेकी राष्ट्र तथा विश्व समुदायलाई कोरोना भ्याक्सिन सहयोगका लागि यसैमार्फत अनुरोध गर्न चाहन्छु । अहिले नेपालमा कोरोना महामारी नियन्त्रणमा रहेको छ/भन्नुपर्छ ।