राष्ट्रियसभा उपनिर्वाचनका लागि उम्मेदवार बनेका गृहमन्त्री रामबहादुर थापा बादल हेटौडा पुगेका छन् । उनी हेलिकप्टरबाट त्यहाँ गएका हुन् ।
उम्मेदवारी दर्ता गर्न केही घन्टा बाँकी रहनुपहिले नेकपा एमालेले बादललाई राष्ट्रिय सभा सदस्य उम्मेदवार बनाउने निर्णय गरेपछि उनी त्यहाँ पुगेका हुन् । उम्मेदवारी दर्ताको समय दिउँसो ४ बजेसम्म छ।
२०७४ को चुनावमा बादलले माओवादी केन्द्रबाट राष्ट्रिय सभा सदस्य जितेका थिए।
नेकपामा विवाद भएपछि बादल प्रधानमन्त्री ओलीको पक्षमा लागेका थिए। नेकपाको एकता भंग भएपछि माओवादी केन्द्रले उनलाई कारबाही गरेको थियो।
शुक्रबार बिहान बालुवाटारमा बसेको एमाले बैठकले बादललाई उम्मेदबार बनाउने निर्णय गरेको हो। यसअघि जित सुनिश्चित नभएसम्म चुनाव नलड्ने अडान थापाले लिएका थिए।
यता माओवादी(कांग्रेससहितको समर्थनमा राष्ट्रियसभा उपनिर्वाचनमा डा. खिमलाल देवकोटाले उम्मेद्वारी दिएका छन्।