नेपाली काङ्ग्रेस सुनसरीले पार्टी कार्यालयको भवनलाई आइसोलेसन बनाउन दिने भएको छ । सुनसरी जिल्ला सभापति राजीव कोइरालाले इनरुवामा रहेको पार्टी कार्यालयको भवनलाइ आइसोलेसन सेन्टर निर्माणका लागि स्थानीय सरकारलाई जिम्मा दिने जानकारी दिए ।

प्रदेश एकका प्रमुख प्रतिपक्षी दलका नेतासमेत रहेका कोइरालाले कोरोना महामारीको दोस्रो लहरले आक्रान्त बनाइरहेका कारण आफ्नो पार्टी कार्यालयको भवन आइशोलेशन निर्माणका लागि दिने निर्णय गरिएको जानकारी दिए ।

दुई तले भवनको दुई वटै तलालाई आइसोलेसन सेन्टर बनाउन सकिने कोइरालाले बताए । उनले भने, ‘कोरोनाको दोस्रो लहर सुरु भएपछि आइसोलेसन सेन्टर निर्माण गर्न इनरुवा नगरपालिकालाई भवन जिम्मा दिएका छौँ । ‘दुई तला अट्याच बाथरुमसहितको छ, नगरपालिकाले भवन सञ्चालन गर्छ ।’