राम नवमी हिन्दु धर्मावलम्बीहरूको एक पर्व हो । यो पर्व चैत्र महिनाको शुक्ल पक्षको नवमी तितीका दिन मनाइने गरिन्छ ।
प्रख्यात हिन्दु धर्म ग्रन्थ रामायणका अनुसार यो दिनलाई भगवान् श्री राम चन्द्रको जन्म दिनको रूपमा लिइन्छ । यो पर्व चैत्र नवरात्रको बिचमा आउने भएकाले यो दिन भगवान् श्री राम का साथै आद्य शक्ति नव दुर्गा देवीको पनि पूजा हुन्छ ।
त्रेता युगमा चैत्र शुक्ल नवमीका दिन अयोध्यामा जन्मनु भएका श्रीरामले दानवीय प्रवृत्तिका रावणको अन्त्य गरी जन कल्याण गरिएको सम्झनामा यो पर्व मनाइन्छ । हिन्दु धर्मावलम्बीहरू राम नवमीका दिन बिहानै नुहाई धुवाइ गरी राम मन्दिरमा गई पूजा आराधना गर्ने गर्दछन् ।
काठमाडौंमा कोरोना बढ्दै गर्दा बजारमा निर्धक्क मास्कबिना हिड्नेहरु भेटिए ।
यसै क्रममा राजधानीको बत्तिस पुतली स्थित राम मन्दिरमा पनि बिहानैदेखि भक्तजनको भीड लाग्छ । राजधानीकै प्रसिद्ध राम मन्दिरमा ललितपुर, भक्तपुरबाट भक्तजन पूजाका लागि आउँछन् ।
राम नवमीका दिन जनकपुर स्थित राम जानकी मन्दिरमा भव्य मेला लाग्छ । मेलामा नेपाल तथा भारतका हजारौँ श्रद्धालुको घुइँचो लाग्छ । पवित्र पोखरी गङ्गा सागरमा स्नान गरी श्रद्धालुले जानकी मन्दिर सहित विभिन्न मठ मन्दिरमा पूजापाठ गर्ने प्रचलन छ ।
यो महिना वैशाख ८ गते रामनवमी परेको छ । यो दिन के गर्दा फलिफाप हुन्छ ? हेरौं भिडिओ