जनता समाजवादी पार्टीका अध्यक्ष उपेन्द्र यादवले लुम्बिनी प्रदेश सरकारमा सहभागी जसपाका चार सांसद मन्त्री भएको खबरले आश्चर्यचकित भएको बताएका छन् । आफूले यसबारे राम्ररी बुझ्न नपाएको भन्दै प्रदेशमा सम्पर्क भइरहेको जानकारी दिएका छन् । उनले लुम्बिनी प्रदेश सरकारमा सहभागी हुने निर्णय नभएको पनि बताएका छन् ।

‘दिउँसो ३ बजेसम्म अविश्वास प्रस्ताव दर्ता भएको र हाम्रा पार्टीका सांसदहरुले समेत हस्ताक्षर गरेको भनेर मलाई खबर आइरहेको थियो,’ उनले भने, ‘पार्टीको प्रदेश संसदीय दलको बैठकले गरेको निर्णय पनि त्यही हो ।’