करिव २ साता लामो तीर्थयात्रा सकेर आज स्वदेश आएका पूर्वराजा ज्ञानेन्द्र शाह केही समय होम क्वारेन्टीनमा बस्ने भएका छन् ।
उनी प्रत्येक १२ वर्षमा एकचोटी लाग्ने महाकुम्भ भेलामा सहभागी भएर आज स्वदेश फर्केका हुन् । दुई महिनासम्म चल्ने उक्त मेलाको एउटा मुहूर्तमा एकैदिन ३० लाखभन्दा बढी श्रद्धालुले गङ्गास्नान गरेका थिए। उक्त दिन पूर्वराजा ज्ञानेन्द्रले पनि शाही स्नान गरेका थिए ।
त्यहाँ पूर्व राजालाई हिन्दू सम्राटका रुपमा निक्कै भव्य ढंगले स्वागत आतिथ्य र विदाई गरिएको थियो । त्यहा उनले बिशेष अतिथिका रुपमा सम्वोधन पनि गरेका थिए ।
पूर्वराजा सहभागी भएको महाकुम्भ मेलामा कोरोना संक्रमण उच्च देखिएको छ। उनी सहभागी मेलामा कोरोना संक्रमण देखिएपछि पूर्वराजाले भारतमै पिसिआर परीक्षण गरेर आएको पूर्व-राजाका सहयोगी फणिराज पाठकले बताए। उनले भने, ‘उहाँको उतै पिसिआर परीक्षण गरेर नेगेटिभ रिपोर्ट आएपछि आउनुभएको हो, यहाँ पनि केही समय होम क्वारेन्टाइनमा रहनु हुनेछ।’
१० देखि १४ अप्रिलसम्म गरिएको परीक्षणमा १७ सय भन्दा बढी संक्रमण पुष्टि भएको हो। स्वाब परीक्षणमा कार्यरत चिकित्सकका अनुसार कुम्भ भेलामा आएका मध्ये २ लाख ३६ हजार ७ सय ५१ जनाको स्वाब लिँदा १ हजार ७ सय १ जनामा कोरोना पुष्टि भएका छन्।
भारतमा दैनिक कोरोनाभाइरस सङ्क्रमणको दर बढिरहेको भए पनि उक्त तीर्थस्थलमा ठूलो सङ्ख्यामा मानिसहरू भेला भएका थिए । विमानस्थलमा राजालाई स्वागत गर्नको हजारौंको संख्यामा मानिसहरु उपस्थित भएपछि प्रहरीलाई भिड व्यवस्थापन गर्नको लागि हम्मेहम्मे परेको थियो ।
भिडिओमा हेरौं पूर्वराजाको स्वागतको लागि त्रिभुवन विमानस्थलमा लागेको भिड
