दरबारमार्गस्थित सिल्क फेसनले यसै चैत २८ आफ्नो सातौं वार्षिकोत्सब मनाउँदैछ । यस अवसरमा सेलिब्रिटीहरुको जमघटमा फेशन शो का साथै समाजसेवाका बिभिन्न क्षेत्रमा योगदान दिएका महिलाहरुलाई सम्मान गर्न लागिएको सञ्चालक तथा डिजाइनर सृजना पोखरेलले बताइन् ।
‘कोरोना महामारीले सबै कुरा अस्तब्यस्त बनाएका बेला आशा, उत्साह जगाउँन विशेष कार्यक्रमको आयोजना गर्न लागेका हौं ।’ पोखरेलले केटिएम दैनिकसँग भनिन् । “फेसन फर अल” नारा दिएर ७ वर्ष सुरु भएको सिल्क फेसन गाउन, वान पिस, लेहेंगा, सारीका लागि चर्चित छ ।
वार्षिकोत्सबमा बिभिन्न छुटका योजनाहरु ल्याएको छ । नेपालका थुप्रै सेलिब्रिटीहरुलाई सिल्क फेसनले ड्रेस डिजाइन गर्दै आएको छ ।
सिल्क फेसनले वच्चाका लागि पास्नीमा लगाउने ड्रेस, पुरुषहरुका लागि पार्टी वेयर, कोट, सुट पनि तयार गर्छ । एक पटक सेवा लिईसकेकाले यहाँको ड्रेस डिजाइन रुचाउने गरेको फेसन डिजाइनर पोखरेल बताउँछिन् ।
वार्षिकोत्सबमा बिक्रि भएको पैसाको केही प्रतिशत सामाजिक सेवामा लगाउँने उनले बताइन् ।
