यूथ ग्रुप नेपालले नेपाली गीतसङ्गीतको प्रचारप्रसार गर्दै र त्यसका स्रष्टालाई पुरस्कृत गर्ने उद्देश्यले ‘नेपाल टप म्युजिक अवार्ड २०२१’ आयोजना गर्ने भएको छ । सोमबार एक विज्ञप्ति जारी गर्दै अवार्डको सबै विधामा आवेदन खुल्ला भएको आयोजकले जनाएको छ ।
‘नेपालको शान, गीतसङ्गीत राष्ट्रको पहिचान’ भन्ने मूल नाराका साथ आयोजना हुन लागेको अवार्डमा वर्ष २०७६, ०७७ चैत्र मसान्तसम्म बजारमा आएका जुनै पनि गीतसङ्गीतले सहभागिता जनाउन सक्नेछन् ।
सुगम सङ्गीत, पप सङ्गीत, लोक दोहोरी, अन्तर्राष्ट्रिय भिडियो, चर्चित गीत, चलचित्र गीत, भाषागत र प्रादेशिक तर्फ गरेर गायक, गायिका, सङ्गीतकार, एरेन्ज, भिडियोलगायत करिब तीन दर्जन बढी विधा अवार्डमा समेटिएको छ ।
नयाँ वर्षको असारमा एक भव्य कार्यक्रम सहित वितरण हुने अवार्डमा समारोहमा लामो समय गीतसङ्गीतमा बिताएका स्रष्टा तथा रङ्ग पत्रकारलाई नगद सहित सम्मान गरिनेछ ।
अवार्डको जुरी तथा उत्कृष्ट ५ मनोनयन सूचि जेठमा सार्वजनिक गरिने आयोजक यूथ ग्रुप नेपाल अध्यक्ष अशोक क्षेत्रीले जानकारी दिए ।