करियर प्वाइन्ट एजुकेसन सर्भिसेजले बाह्र कक्षाको परीक्षा दिएका विद्यार्थीहरूलाई केन्द्रित गर्दै ‘करियर फेस्ट २०२०/२१’ को आयोजना गरेको छ।
फागुन १० गते राष्ट्रिय सभा गृहमा हुने कार्यक्रममा बाह्र कक्षा पछि के पढ्ने र कसरी अगाडि बढ्ने भन्ने विषयमा परामर्श दिइने कार्यक्रमका एक्जुकेटिभ डाइरेक्टर विशाल केसीले बताए।
कार्यक्रममा बिस भन्दा बढी कलेजहरूको बारेमा ठाउँबाटै जानकारी प्राप्त गर्न सकिनेछ। नेपाली काङ्ग्रेसका प्रवक्ता विश्व प्रकाश शर्मा प्रमुख अतिथि रहने कार्यक्रममा राष्ट्रिय युवा परिषद्का कार्यकारी उपाध्यक्ष माधव ढुङ्गेल, कुलमान घिसिङ, व्यांकर मनोज ज्ञवाली र सृष्टि केसीले विद्यार्थीहरुलाई मार्ग निर्देशन गर्नुका साथै अनुभव साटासाट गर्नेछन्। कार्यक्रममा कमेडियन एवम् मोटिभेसनल स्पिकर सन्दीप क्षेत्री गायक अल्मोडा राना उप्रेती र कृसल कँडेल लगायतको प्रस्तुति रहने बताइएको छ।