ब्रह्माण्डको सबैभन्दा अद्भुत रचना मानव शरीर हो र यसभन्दा पनि अझ अनौठो यस बारे शास्त्रमा उल्लेख गरिएको जानकारीहरु छन् । सायद तपाईलाई थाहा नै होला कि हाम्रो धर्मशास्त्र, पुराण र वेदले मानव जीवनको सम्भव – असम्भव हरेक पक्षमा आफ्नो पहुँच बनाएको छ । जसको माध्यमबाट भविष्यको विविध रहस्यहरु बारे बुझ्न सकिन्छ।
सामुन्द्रिक शास्त्रमा मनुष्यको हाउ-भाउ, अनुहार र शारीरिक बनावटको आधारमा विविध पक्षहरुमा विस्तृत चर्चा गरिएको छ । यस अनुसार स्त्रीको पाउले उनको पतिको भविष्य बारे धेरै कुराहरु बताउने गर्छ ।
हरेको स्त्रीको खुट्टामा केही विशेष खालको निशान हुन्छ, जसले उसको पतिको उज्ज्वल भविष्यको संकेत दिन्छ । यस बाहेक खुट्टाको आकारले पनि सम्बन्धित स्त्रीको दाम्पत्य जीवन कस्तो हुन्छ भन्ने जानकारी दिन्छ । यसै पनि पुराण अनुसार पति – पत्नीलाई एक-अर्काको पूरक मानिने गरिन्छ । यसै तथ्यको आधारमा स्त्री होस् या पुरुष, उनीहरुको शरीरमा रहेको केही यस्तो निशान उनको जीवनसाथीसँग सम्बन्धित हुने मान्यता छ ।
दि कुनै स्त्रीको खुट्टाको पैतालामा चक्र, ध्वज या स्वस्तिकको निशाना छ भने त्यस्तो स्त्रीसँग विवाह गर्ने पुरुषले राज सुख प्राप्त गर्दछ । त्यस्तो पुरुषले आफ्नो जीवन राजाको तरह व्यतीत गर्दछ र आफ्नो पत्नीलाई पनि रानीको सम्मान दिन्छ । जुन स्त्रीको खुट्टाको तलको हिस्सामा कुनै रेखा जस्तो खुट्टाको औंला तिर गईरहेको छ भने त्यस्तो स्त्री पतिको लागि शुभ मानिन्छ । यस्ता स्त्रीहरु पति प्रति पूर्णतः समर्पित हुन्छन । उनीहरुले जीवनमा खुशी प्राप्त गर्छन् ।
स्त्रीको पाउको दोस्रो औँला, जसलाई चोरी औँला भनिन्छ, अन्य बाँकी औंलाको तुलनामा ठुलो भने यस्ता स्त्रीहरू आफ्नो पतिसँग काँधमा काँध मिलाई साथ जुनी सँगै रहने-हिड्ने बाचा गर्छन । तर विपरित विचारको कारण आपसी सामन्जस्यता ल्याउन अधिक प्रयास गर्नु पर्ने हुन्छ । स्त्रीको हिड्ने समयमा खुट्टाको कान्छी र साइली औँलाले जमिन स्पर्श गर्दैन भने त्यसले त्यस्तो स्त्री चाँडै कम उमेरमा विधवा हुने संकेत गर्छ ।
स्त्रीको खुट्टाको पैतालामा कमल या छाताको निशान छ भने त्यस्ता स्त्रीहरुको पतिले राजनीतिक क्षेत्रमा सफलता प्राप्त गर्छन र उनले समाजमा मान-सम्मान प्राप्त गर्नुको साथै सधैँ प्रसिद्धिले साथ दिन्छ । साइली औंलाको लम्बाई बुढी औंला र चोरी औंलाको तुलनामा अधिक लामो छ भने यसले स्त्री आफ्नो पतिको लागि सदैव चिन्ताको कारण बन्ने इसारा गर्छ ।
स्त्रीको खुट्टाको माझी औंला र साइली औंलाको लम्बाई लगभग समान छ भने यस्ता स्त्रीको पति सधैँ आर्थिक अभावमा पर्छन । यस्ता स्त्रीको आफ्नो माइती पट्टीसँग सम्बन्ध सुमधुर भए पनि पति र परिवारसँगको सम्बन्ध राम्रो हुदैन ।
कुनै स्त्रीको खुट्टाको कुर्कुचा गोलो, कोमल र आकर्षक छ भने यस्ता स्त्रीहरुले आरामदायी जीवनशैली प्राप्त गर्छन । तर यसको विपरित कुर्कुचा मोटो र कडा छ भने उनीहरुको जीवन संघर्षशील हुने गर्छ ।
यदि खुट्टाको पैतालामा बनेको रेखाहरु एकदम स्पष्ट र काटिएका छैनन् भने यसले व्यक्तिको जीवन बिना कुनै सङ्घर्ष र व्यवधानको साथ चल्ने सङ्केत गर्छ ।
