नेपाली कलाकारिता क्षेत्रमा सक्रिय द्वन्द्व निर्देशक राजेन्द्र खड्गीले नेपाल स्वतन्त्र देश भएकाले नेपाली स्वाभिमानमाथि आँच आउने कुरालाई सहन गर्न नसकिने बताएका छन् ।
निर्देशक खड्गीले केहीदिन अघि सगरमाथामा भारतमा पर्छ भन्दै बिबादास्पद अभिव्यक्ति दिएका भारतीय सञ्चारमाध्यम जी न्यूजका प्रधान सम्पादक सुधीर चौधरीप्रति कटाक्ष गर्दै उनले सो कुरा बताएका हुन् । उनले भारतीय मिडियालाई प्रधानमन्त्री केपी शर्मा ओलीले अन्तर्वार्ता दिएर गलत गरेको बताए ।
खड्गीले प्रधानमन्त्री केपी शर्मा ओलीले अन्तर्वार्ता दिनुपरेमा सीएनएन, बीबीसी, कान्तिपुर र दुरदर्शन लगायत नेशनल सञ्चारमाध्यमलाई अन्तर्वार्ता दिनु उपयुक्त हुने प्राइभेट पकेट च्यानललाई दिन नहुने खड्गीले जोड दिए ।
अन्तर्वार्ताका क्रममा प्रधानमन्त्रीले नेपालको लागि सही कुरा बोलेकोमा स्यालुट गर्छु उनले भने, तर तपाईं गलत हुनुहुन्छ । कसैले सगरमाथामाको उचाइ नापेको हो भन्दैमा अन्य देशले हाम्रो हो भन्ने तर्क गर्न नसक्ने उनको भनाइ छ ।
भाषा, संस्कृति र सभ्यताले नेपालीको बेग्लै पहिचान रहेकोे र वीर पूर्खाले बलिदानीपूर्व संघर्ष गरेको इतिहासलाई स्मरण गर्नुपर्ने भन्दै उनले देश र राष्ट्रयताका लागि आफूले जस्तोसुकै संघर्ष गर्न तयार रहेकोे प्रतिक्रिया दिए । उनले अबको राजनीतिक नेतृत्व र जिम्मेवारीलाई दिनुपर्ने समेत तर्क गरेका गरेका छन् ।
र यो पनि
ओलीले राष्ट्रवादी देखिन पैसा तिरेर भारतीय मिडिया बोलाएका रहेछन् : डा. सुरेन्द्र केसी