केहीदिन अघि काठमाडौंमा देखिएको उच्च वायु प्रदूषणको समस्या प्रदेश १ को राजधानी विराटनगरमा पनि देखापरेको छ।
वायु प्रदूषणको स्तर उच्च देखिएपछि विराटनगर महानगरले अत्यावश्यक कामबाहेक घर बाहिर ननिस्कन सर्वसाधारणलाई अपिल गरेको छ।
तापक्रम बढेसँगै बिराटनगरको वायुको प्रदूषण पनि ह्वात्तै बढेको छ।
विराटनगर क्षेत्रमा अपरान्हको समयमा प्रदूषण झनै बढ्ने सम्भावना औल्याउँदै महानगरले सावधानी अपनाउन आग्रह गरेको हो।
अपिल जारी गरेर महानगरले अत्यावश्यक कामबाहेक बाहिर नजान, मास्क अनिवार्य लगाउन भनेको छ।