राष्ट्रपति विद्यादेवी भण्डारीले संसद विघटन स्वीकृत गरेकी छन् ।
प्रधानमन्त्री केपी शर्मा ओलीले संसद बिघटन गर्नका लागि आइतबार बिहान राष्ट्रपति समक्ष सिफारिस गरेका थिए ।
राष्ट्रपति कार्यालयबाट जारी भएको सूचनामा संसद बिघटन गर्दै आगामी बैशाख १७ गते पहिलो चरण र बैशाख २७ गते दोस्रो चरणमा प्रतिनिधिसभाको निर्वाचन गर्ने उल्लेख गरिएको छ ।
मन्त्रिपरिष्द्को निर्णय बमोजिम प्रधानमन्त्री केपी शर्मा ओलीको सिफारिसमा राष्ट्रपतिले प्रतिनिधि सभा बिघटन गरेको प्रवक्ता बद्रिनाथ अधिकारीले विज्ञप्तिमार्फत् जानकारी गराएका छन्।
नेपालको संविधान अनुसार संघीय संसद्मा दुई सदन छन् प्रतिनिधि सभा र राष्ट्रिय सभा । प्रतिनिधि सभा विघटन हुनसक्छ भने राष्ट्रिय सभा कहिल्यै विघटन हुन सक्दैन । राष्ट्रिय सभा स्थायी सदन हो । यसका एक तिहाई सदस्य हरेक दुई वर्षमा फेरिन्छन् । तर, प्रतिनिधि सभाको कार्यकाल भने अगावै विघटन भएमा बाहेक पाँच वर्षको हुन्छ ।
प्रतिनिधि सभा विघटन भए पनि राष्ट्रिय सभा विघटन गर्न सकिने प्रावधान संविधानमा छैन ।