सिन्धुली जिल्लाको कमलामाई नगरपालिका–१३ निवासी छत्रमाया मगरले नागरिकता प्राप्त गरेकी छिन् ।
एकसय तीन वर्षका उमेरमा उनले जिल्ला प्रशासन कार्यालयबाट शुक्रबार नागरिकता प्राप्त गरेकी हुन् ।
रुचानी निवासी छत्रमाया यसअघि नागरिकता नहुँदा राज्यले प्रदान गर्ने सेवासुविधाबाट वञ्चित हुँदै आएकी थिइन् ।
मंसिर २२ गते ‘उमेरले सय काट्यो तर पाइएन नागरिकता’ शीर्षकको समाचार प्रकाशित भएको थियो ।
विसं १९७४ माघ १५ गते जन्मेकी छत्रमायाले १०३ वर्षको उमेरमा नागरिकता प्राप्त गरेकी हुन् ।
नागरिकता नहुँदा राज्यले दिने सेवासुविधाबाट वञ्चित हुनुभएकी छत्रमायाले अब वृद्धभत्ता प्राप्त गर्न बाटो खुलेको छ ।
पाँच वर्षअघि छत्रमायाका श्रीमान्को निधन भएको थियो । यसपछि उनलाई नाति पर्ने पदमबहादुर रानामगरले पालनपोषण गर्दै आएको बताइएको छ ।