नेपाल कम्युनिस्ट पार्टी (नेकपा) की नेतृ विन्दा बिकको क्यान्सर रोगका कारण आइतबार बिहान निधन भएको छ । उनको पञ्चकन्या गाउँपालिका वडा नम्बर ५ मा रहेको आफ्नो निवासमै आइतबार बिहान निधन भएको बिकको उपचारका लागि सहयोग अभियान चलाइरहेका नेकपा नुवाकोट काठमाडौँ सम्पर्क मञ्चका कोषाध्यक्ष रामनाथ खनालले जनाकारी दिए ।

बिक नेकपा नुवाकोटको जिल्ला कमिटी सदस्य हुन् । स्तन क्यान्सर देखिएपछि गत माघमा त्रिवि शिक्षण अस्पताल महाराजगञ्जमा शल्यक्रिया गराएकी थिइन् । पछिल्लो भक्तपुर अस्पतालमा उपचारका लागि लगिए पनि अस्पतालले उपचार नहुने भएर फिर्ता गरिदिएपछि उहाँको घरमै राखेर अन्य खालका विधिबाट पनि उपचार भैरहेको थियो ।