कोरोना भाइरस (कोभिड–१९) को सङ्क्रमण देखिएका डोटीका नेपाली कांग्रेसका नेता तेजबहादुर पुनमगरको मृत्यु भएको छ ।
केआईसिंह गाउँपालिका-४ पूर्वीयाबगर घर भएका ५० वर्षीय पुनको उपचारका क्रममा सेती प्रादेशिक अस्पतालमा मृत्यु भएको हो ।
उपचारका लागि कैलाली लगिएका उनीमा कोरोना भाइरसको संक्रमण पुष्टि भएपछि अस्पतालकै आईसीयूमै राखेर उपचारका थालिएको थियो ।
अस्पतालका सूचना अधिकारी दिलीपकुमार श्रेष्ठकाअनुसार निमोनियासहित कोरोना सङ्क्रमित नेता पुनको उपचारकै क्रममा ज्यान गएकाे हो ।
पुन नेपाली कांग्रेसका डोटीबाट महाधिवेशन प्रतिनिधिसहित नेपाल आदिवासी जनजाति संघ डोटीका अध्यक्षसमेत थिए ।
र यो भिडियो पनि हेर्नुहोस्
बुधबार सबैभन्दा बढी कोरोना संक्रमित भेटिए
नेपालमा विगत २४ घण्टामा ५,७४३ जनामा कोरोनाभाइरस सङ्क्रमण पुष्टि भएको जानकारी स्वास्थ्य तथा जनसङ्ख्या मन्त्रालयले बुधवार दिएको छ।
यो सङ्ख्या सर्वाधिक दैनिक वृद्धि हो। यसअगाडी असोज १० गते ५ हजार ८ जना सङ्क्रमित फेला परेका थिए । मङ्गलवार मन्त्रालयले ३,०९३ जनामा सङ्क्रमण र आठ जनाको मृत्यु भएको पुष्टि गरेको थियो।
स्वास्थ्य तथा जनसंख्या मन्त्रालयका प्रवक्ता प्राडा. जागेश्वर गौतमले २४ घन्टामा नेपालमा थप ५ हजार ७४३ जना र उपत्यकामा मात्र ३ हजार १०७ जनामा कोरोना भेटिएको जानकारी दिए ।
यो सहित नेपालमा कोरोना संक्रमित हुनेको संख्या १ लाख ४४ हजार ८७२ जना पुगेको छ भने सक्रिय संक्रमितको संख्या ४४ हजार ४ सय ७६ पुगेको छ ।
नेपालमा आजसम्म १३ लाख ३४ हजार ८९७ जनाको पीसीआर विधिबाट परीक्षण भएको छ । यस्तै आज २ हजार ९९६ जना निको भएसँगैं हालसम्म ९९ हजार ६ सय ५ जना निको भएर घर गइसकेका छन ।
