बाल अधिकारको क्षेत्रमा कृयाशिल विभिन्न सङ सस्थाहरुका अगुवाहरू ले बागमती प्रदेश सरकार ले प्रस्ताव गरेको शिक्षा नितिका बारेमा बुदागत रुपमा सुझाब प्रस्तुत गरेका छन।
नागरिक समाज,राजनितीक अगुवा हरु सन्चारकर्मी लागायत बिशिस्ट ब्यक्तित्व हरु सहभागी भएको सो कार्यक्रममा विशेषत शिक्षा अधिकारको सुनिश्चितताका लागि बिभिन्न तहमा नीतिगत पैरवी गर्दै आईरहेको सन्दर्भमा बागमति प्रदेश सरकारले तयार गरेको शिक्षा नीतिलाई आवश्यक सुझावहरु प्रदान गर्ने गद्देश्यले सो कार्यक्रमको आयोजना गरिएको थियो । उक्त कार्यक्रममा सरकारको तर्फबाट सामाजिक विकास मन्त्रालय बागमति प्रदेशका उप सचिव दिपेन्द्र सुवेदीले बागमति प्रदेशको ३३ बुदे शिक्षा नीति र कार्यनीतिका बारेमा जानकारी दिएका थिए ।
नागरिक समाजको तर्फबाट शिक्षा बिज्ञ विश्लेषक श्याम श्रेष्ठले बैज्ञानिक व्यक्तित्व उत्पादन गर्ने उद्देश्य समावेश गर्नु पर्ने र विद्यार्थीहरुलाई जीवन उपयोगी सीपसंग जोड दिनु पर्ने कुरामा जोड दिएका छन् । टिप्पणी कर्ता पूर्व शिक्षा मन्त्री कार्यक्रमका टिप्पणी कर्ता डा. गंगालाल तुलाधरले अवको शिक्षा नीतिमा शिक्षालाई सीपसंग, सीपलाई उत्पादनसंग र उत्पादनलाई समृद्धिसंग जोडने कुरा नीतिमा आउनु पर्ने धारणा राखेका छन् ।
अर्का टिप्पणी कर्ता प्रा.डा. मन प्रसाद वाग्लेले यस नीतिमा विद्यालय शिक्षालाई भन्दा पनि बढी उच्च शिक्षा र विश्व विद्यालयको शिक्षालाई नै बढी जोड दिनु पर्ने र ३३ वटा शिक्षाका नीतिहरु मध्ये १७ वटा नीति स्वागत योग्य र बाँकीका नीतिहरुमा अझ सुधार गर्नु पर्ने कुरा उल्लेख गरेका थिए । सो कार्यक्रममा सहभागीहरुको तर्फबाट पूर्व शिक्षा सचिव महाश्रम शर्मा, शिक्षक महासंघका अध्यक्ष बाबुराम थापा शिक्षाविद विद्यानाथ कोईराला लगायतले अवको शिक्षा नीतिको लागि सुझावहरु दिएका थिए ।
शिक्षा अधिकार अनुगमन समूह नेपालका संयोजक संन्तराम डंगोलको अध्यक्षतामा संपन्न कार्यक्रममा समूहका संस्थापक संयोजक एवं लू निभाःका कार्यकारी निर्देशक नरेन्द्र डंगोलले कार्यक्रमको उद्देश्यमाथि प्रकाश पारेका थिए ।