गत बुधबार मध्यरातिदेखि उपत्यका काठमाडौं, ललितपुर र भक्तपुर० मा लागू निषेध ९अत्यावश्यकबाहेक अन्य गतिविधि बन्द० को अवधि भोलि बुधबार मध्यरातिबाट सकिँदै छ।
यसलाई फेरि लम्ब्याउने कि के गर्ने भन्ने विषयमा आज ९मंगलबार० तीनै जिल्लाका प्रमुख जिल्ला अधिकारी ९सीडीओ० को संयुक्त बैठक बस्दै छ।
काठमाडौंका प्रमुख जिल्ला अधिकारी जनकराज दाहालले यस विषयमा निर्णय गर्न आज दिउँसो ४ बजे बैठक बस्ने तयारी भइरहेको जानकारी दिए।
‘आज हामी पहिले दिउँसो १ बजे उपत्यकाका मेयरहरूसँग बैठक बस्दैछौं,’ प्रमुख जिल्ला अधिकारी दाहालले मंगलबार बिहान नेपालखबरसँग भने, ‘त्यसपछि दिउँसो ३–४ बजेतिर हामी तीन जिल्लाका सीडीओसहितको संयुक्त बैठक बस्नेछौं।’
निषेध लम्ब्याउने सम्भावना कतिको छ भन्ने नेपालखबरको जिज्ञासामा उनले यो विषयमा अहिल्यै भन्न नसकिने उनले बताए।
‘अब हामी बसेर यो एक हप्ता ९निषेधाज्ञा लागू गरिएको० को प्रभाव समीक्षा गर्छौं, त्यसपछि सबैको राय सुझावअनुसार के गर्दा उपयुक्त हुन्छ, त्यही निर्णय गर्छौं।’
भक्तपुरकी प्रमुख जिल्ला अधिकारी हुमकला पाण्डेले भने उपत्यकामा संक्रमण बढ्दै गएकाले निषेधलाई लम्ब्याउनुपर्ने आवश्यकता देखिएको बताइन्।
‘अहिले उपत्यकामा औसतमा दैनिक २ सय संक्रमित थपिइरहेका छन्,’ प्रमुख जिल्ला अधिकारी पाण्डेले नेपालखबरसँग भनिन्, ‘त्यसो भएको हुनाले निषेधको अवधि पुनः थप गर्नुपर्ने आवश्यकता देखिन्छ।’
