काठमाडौं उपत्यकामा भदौ १० गतेसम्म जारी गरिएको निषेधाज्ञाबारे प्रशासन कार्यालय थप स्पष्ट पारेको छ ।
सहायक प्रमुख जिल्ला अधिकारी तुलसीराम पौडेलले जारी गरेको सूचनामा खाद्यान्न तथा तरकारी पसल बिहान ९:१५ बजेसम्म मात्र खोल्न पाइने भएको छ । दिनभर नागरिक तरकारी र खाद्यान्न किन्न भन्दै निस्किन थालेपछि यो निर्णय भएको हो ।
औषधि, पानी र स्वास्थ्य सामग्री विक्री वितरण गर्ने पसल भने जुनसुकै समयमा निर्वाध रुपमा चलाउन सकिने छ ।
पछिल्लो समय जिल्ला प्रशासनले जारी गरेको निषेधाज्ञाका कारण कतिपय ठाँउमा स्थानीय प्रशासनले बिहान ७ बजेसम्म मात्र खाद्यान्नका पसल खोल्न दिएको थियो।
अपडेट :
काठमाडौं उपत्यकामा भाद्र १० गते राति १२ बजेसम्म जारी गरिएको निषेधाज्ञा थप भएको छ । भाद्र ९ गते बिहान काठमाडौं, भक्तपुर र ललितपुरका तीन प्रमुख जिल्ला अधिकारीले उपत्यकाका सुरक्षा निकायका प्रमुख, नगरपालिकाका मेयर र जनस्वास्थ्य कार्यालयका अधिकारीसँग छलफलपछि निषेधाज्ञा थप गर्ने निर्णय गरेका हुन् ।
अब भदौ १७ गते रात्ति १२ बजेसम्म काठमाडौं उपत्यकामा तीन जिल्लामा निषेधाज्ञा जारी रहन्छ । (पढ्नुहोस थप समाचार )
यस्ता छन् निर्णयहरु
अत्यावश्यक वस्तु तथा सेवा मध्ये औषधी, पानी र स्वास्थ्य सामाग्री बिक्री वितरण गर्ने पसल व्यवसाय जुनसुकै समयमा पनि निवार्ध खुल्ला राख्न सकिने ।
अत्यावश्यक बस्तुमध्ये खाद्य वस्तु, दुध (दूग्ध जन्य पदार्थ), फलफूल / तरकारी, माछा मासु आदि विक्री वितरण गर्ने पसलहरु बिहान ९:१५ सम्म खोल्न सकिने
माथि उल्लेखित व्यापार व्यवसाय सञ्चालन गर्दा अनिवार्य रुपमा सामाजिक भौतिक दूरी कायम राख्ने मास्क र स्यानिटाइजर प्रयोग गर्ने लगायतका नेपाल सरकारले तोकेको स्वास्थ्य सम्वन्धी मापदण्ड पूर्ण रुपमा पालना गर्ने गराउने व्यवस्था मिलाउने ।