डोटीमा बस दुर्घटना हुँदा तीन जनाको मृत्यु भएको छ भने ३१ जना घाइते भएका छन् ।पुर्वी चौकी गाउँपालिका १ तल्लो फुलोटमा ना ६ ख २५२९ नम्वरको बस र्दुघटना भएको हो ।
भारतबाट फर्केका ३४ जना यात्री बोकेको बस धनगढीबाट अछाम जाने क्रममा दुर्घटना भएको डोटीका प्रहरी नायव उपरिक्षक ईन्द्रबहादुर मल्लले जानकारी दिएका छन् । मृतकको सनाखत हुन सकेको छैन भने घाईतेको उद्धार गरी अस्पताल लगिदै छ । निरन्तर बर्षा भईबाटो चिप्लो भएका कारण बस दु र्घटना भएको हुन सक्ने बताईएको छ ।
यता, पाल्पाको निस्दी गाउँपालिका वडा नंं ५ गल्धाको पटकसरमा जिप दुर्घटना हुँदा २ जनाको
मृत्यु भएको छ भने ६ जना घाईते भएका छन् । नेमा निस्दी गाउँपालिका ५ का ६३ वर्षीय ठाकुर प्रसाद फाल र निस्दी गाउँपालिका ४ का ३ महिने बालक सिमोन कालुङ रहेका छन ।