काठमाडौं । राजधानीमा भएको समानान्तर निर्माण सेवा प्रालिले सर्लाहीबाट काठमाडौं लुकिछिपी छिरेका दुई जना कामदारलाई पीसीआर परीक्षण नगराई काममा लगाउँदा स्थिति भयावह देखिएको छ ।
गत साउन ११ गतेदेखि काममा खटिएका दुई जनामा शुक्रबारमात्र कोरोना देखिएको थियो । यसरी संगसंगै काम गर्नेलाई कोरोना देखिएपछि अन्य कामदारहरु चिन्तित भएका छन् ।
तर कम्पनीले अन्य कामदारलाई खुरुखुरु काममा आउन निर्देशन दिएअनुसार उनीहरु काममा खटिएका छन् ।
संगै काम गर्नेलाई कोरोना भएपछि आफूहरुलाई पनि सर्ने भन्दै क्वारेन्टिनमा बस्ने र पीसीआर परीक्षण गराइदिनुपर्छ भन्दासमेत कम्पनीले नमानेको पीडितको गुनासो छ ।
दवाव दिएपछि भोलि भोलि भन्दै टारिरहेको पीडितले बताए । पीडितले आफूहरुमाथि कम्पनीले खेलबाड गरेको आरोपसमेत लगाएका छन् ।
यता उक्त समानान्तरका प्रोजेक्ट म्यानेजर तुलसी प्रसाद भट्टराईले सर्लाहीबाट आएका दुई जनामा कोरोना संक्रमण भएको पुष्टि गर्दै अन्यको परीक्षण बुधबार गराउने बताए ।
शुक्रबार दुई संक्रमित भएको पुष्टि भए पनि अहिलेसम्म अन्यको परीक्षण नगराएको बारेमा भने उनले सरकारलाई दोष दिए ।
उनले भने, ‘हामीले जानकारी गराएकै हौं सरकारले नै ढिला गर्या हो । हामीले कोर्डिनेशन गरिराख्या छौं । सरकारले सबैतिर चाप छ भन्ने हिसाबले उनीहरुले नभ्याएरै हो ।’
साइटमा भएका डेढ सय भन्दा बढीको पीसीआर परीक्षण गराउने उनले बताए । साइट भित्र डेढ सय भन्दा बढी भए पनि बाहिर समेत पनि कामदार रहेका छन् ।
तर साइटमा काम भने रोकिएको छैन । म्यानेजर भट्टराईले भने, ‘साइटको काम भइराछ । साइटमै छन् सबै मान्छे । बाहिर निस्किएका छैनन् । सबै भित्रै हो ।’
सरकारमाथि तेर्सियो प्रश्न–
सरकारले दैनिक हजारौंको पीसीआर परीक्षण गर्न सक्ने क्षमता छ भनिरहेको छ । काठमाडौंकै १४ स्थानमा परीक्षण गर्न सकिने भनी प्रचार गरिरहेको छ ।
तर गएको शुक्रबार साउन १६ गतेदेखि सम्भावित संक्रमितहरु छट्पटिएर बसिरहेका छन् ।
अब सरकार कहाँ व्यस्त छ रु राजधानी भित्रै यस्तो हालत छ भने बाहिर के होला रु यो बदमासी सरकारको वा सही सूचना समयमा नदिने समानान्तरको रु
समानान्तरमाथि अर्को प्रश्न–
विश्व स्वास्थ्य संगठनले कम्तीमा दुई मिटरको दूरी बनाउन भनेको छ । डेढ सय भन्दा बढी ९प्रोजेक्ट म्यानेजर भट्टराईले दिएको तथ्यांकअनुसार० जनाले एकै ठाउँमा काम गर्छन् ।
त्यसको मतलब उसले स्वास्थ्य तथा जनसंख्या मन्त्रालयले विश्व स्वास्थ्य संगठनबाट प्राप्त मापदण्ड पूरा गर्न दिएको निर्देशनको समेत अवज्ञा भएको छ ।
