असार ७ गते (सन् २०२० जुन २१ तारिख) आईतवार बिहान १० बजेर ५० मिनेटमा नेपालबाट खण्डग्रास सूर्यग्रहण प्रारम्भ भई मध्याह्न १२ बजेर ३८ मिनेटमा मध्य अवस्थामा रहने छ भने पूर्णरूपमा समापन हुनका लागि अपराह्न २ बजेर २३ मिनेटमा सकिने पञ्चाङ्ग निर्णायक समिति बाट स्वीकृत पञ्चाङ्ग हरुमा उल्लेख गरिएको छ ।
ग्रहणका समयमा गर्भवती महिलाहरुका लागि बढी प्रभाब पर्ने भएकाले विशेष साधानीपूर्वक बस्न सुझाव दिएका छन । मिथुन राशिमा लाग्न लागेको खण्डग्रास सूर्यग्रहणको अवधि ३ घन्टा ३३ मिनेटको रहने छ ।
सकेसम्म ग्रहण अवधिभर मलमुत्र त्याग्न तथा कुनै पनि प्रकारको भोजन र पेय पदार्थ सेवनले हानि पुर्याउन सक्ने भएकाले सावधानी अपनाउन आग्रह गरिएको छ ।
ग्रहण अबधि भर गर्भवती महिलाहरुले मात्रै खुट्टा खुम्च्याएर पनि बस्न नहुने भएकाले खुट्टा सिधा बनाएर आफूलाई सहज हुने तरिकाले बस्नु पर्नेछ ।
ग्रहणकाे समयमा सूर्यबाट आउने नकारात्मक किरणका कारणले गर्भमा रहेकाे सन्तानलाई बढि असर गर्ने भएकाले सावधानी अपनाउन सुझाब दिएकाे हाे ।
यस्तो अवस्थामा सकेसम्म सन्तान गोपालस्तोत्र पाठ ,मन्त्र जाप तथा स्मरण गरेमा पूर्णरुपमा सन्तानको रक्षा हुने कुरा विभिन्न ग्रन्थ हरुमा बताइएको छ ।
आफ्नो इष्टदेब तथा कुलदेवको ध्यान गरेमा पनि शुभ हुने छ । यस्तो समयमा महामृत्युञ्जयको पाठ गराउँदा पनि सन्तानका लागि रक्षा कवच जसरी रहने छ ।
चिकित्सकहरुले पनि यस्तो समयमा गर्भवती स्त्रीले विशेष ख्याल गर्नु पर्ने कुरा उल्लेख गरेका छन ।
ग्रहणको समयमा सब्जी काट्न, कुनै पनि धारिलो बस्तु चलाउन र सूर्यको किरणलाई सिधै हेर्न नहुने सुझाब दिएका छन ।
सन्तान गाेपाल मन्त्र ।
देवकीसुत गोविन्द, वासुदेव जगत्पते
देहि मे तनयं कृष्ण त्वामहं शरणंभजे ।।
देव देव जगन्नाथ गोत्रवृद्धिकरं प्रभो
देहि मे तनयं शीघ्रं आयुष्मन्तं यशस्विनम् ।।
उक्त मन्त्रको जाप गरेर वा पढेर बस्नु सर्वाेहितकारी हुने छ ।