पाल्पा मिसन अस्पतालमा कोरानासंग मिल्दोजुल्दो लक्षण देखिएका एक पुरुषको आज विहान मृत्यु भएको छ । उनको आइसीयुमा उपचारको क्रममा मृत्यु भएको हो ।
उनी आइतबार मात्र भारतवाट आएका र पाल्पाको पूर्वखोला गाउँपालिका २ जल्पास्थित शम्भु मा।वि।क्वारेन्टाइनमा बसेका थिए ।
क्वारेन्टाइनमा अत्याधिक ज्वरो आउने, खोकी लाग्ने, सास फेर्न गाह्रो हुने, खोकी लाग्ने ,खकारमा रगत समेत देखिएको र पेट फुल्लिने जस्ता लक्ष्यण देखिएपछि उनलाई तुरुन्त उपचारका लागि सोमबार तानसेनको मिसन अस्पतालमा लगिएको थियो ।
तर उनको आइसीयुमा राखेर उपचारको क्रममा आज विहान मृत्यु भएको हो । मृत्यु हुने पूर्वखोला गाउँपालिकाका १ सिलुवाका ४५ वर्षीय युवा हुन् । उनको कोरोनासंग मिल्दोजुल्दो लक्षण देखिएको मिशन अस्पतालका प्रशासकीय प्रमुख जीवन भट्टराईले जानकारी दिनुभयो ।
उनको स्वाब परीक्षणका लागि हिजै पठाएपनि कोरना परीक्षण नतिजा भने आउन बाँकी रहेको बताइएको छ । क्वारेन्टाइनमा आएर एक रात विताएका उनको स्वास्थ्यमा गम्भीर समस्या देखिएपछि उपचारका लागि मिसन अस्पताल ल्याइएको थियो ।
