वीरगञ्ज, १ जेठ । जिल्ला प्रशासन कार्यालय पर्साले जारी गरेको निषेधाज्ञालाई पालना गराउनका लागि वीरगञ्जको गल्ली गल्लीमा नेपाली सेना गस्तीमा खटिएका छन् ।
वीरगञ्ज महानगरपालिकाको १ देखि १८ वडासम्मको विभिन्न टोलहरुमा नेपाली सेना तैनाथ गस्तीमा खटिएको छ ।
यही वैशाख ३० गते पर्सा जिल्लामा एकै दिन ३९ जनामा कारोना पुष्टि भएपछि जिल्ला प्रशासन कार्यालय पर्साले जिल्लाभरि लागू हुने गरी वैशाख ३० गते राति ८ बजेदेखि जेठ ५ गते राति १२ बजेसम्मको लागि निषेधाज्ञा जारी गरेको थियो ।
निषेधाज्ञा जारी गरिएपनि वीरगञ्जका स्थानीयहरु त्यसलाई उल्लंघन गर्न सक्ने भएकोले नेपाली सेना परिचालन गरी निषेधाज्ञा जारी गरिएको थियो । बारा जिल्लाका प्रमुख जिल्ला अधिकारी रुद्र प्रसाद अधिकारीले एक सूचना जारी गर्दै सो जानकारी दिएका थिए ।
अहिले गल्ली गल्लीमा सेनाले गस्ती गरिरहेकाे छ । हेराै तस्विरहरु
