२०२० मा एउटा अदृश्य राक्षस आऊँछ भनेर कसलाई थाहा थियो र ?

छुट्टिहरु त छन तर मनाउन मिल्ने छैन भनेर कसलाई थाहा थियो र ?

आइसक्रीमको मौसम त छ, तर खान मिल्ने छैन भनेर कसलाई थाहा थियो र ?

बाटो खुल्ला त छ तर कतै जान मिल्ने छैन भनेर कसलाई थाहा थियो र ?

टाढा रहेका आफन्तहरु लाई बोलाउन मिल्ने छैन भनेर कसलाई थाहा थियो र ?

नजिक रहेकाहरु सँग हात मिलाउन मिल्ने छैन भनेर कसलाई थाहा थियो र ?

घर फर्किन चाहनेहरु लाई फर्किन मिल्ने छैन भनेर कसलाई थाहा थियो र ?

बाहिर जान चाहनेहरूलाई जान मिल्ने छैन भनेर कसलाई थाहा थियो र ?

जो सँग समय बिताउन चाहन्थ्यों तिनिहरू बाटै बोर हुनु पर्ला भनेर कसलाई थाहा थियो र ?

मिति के हो, बार के हो बिर्सी जाऊंला भनेर कसलाई थाहा थियो र ?

क्यालेन्डरहरू अर्थहीन हुनेछन, दिन र रात मात्रै बिताउनु छ भनेर कसलाई थाहा थियो र ?

हावा त सफा र शुद्ध हुनेछ तर शान्तिको सास फेर्न गार्हो हुनेछ भनेर कसलाई थाहा थियो र ?

कहिले भान्सा भित्र न पसेको मान्छे ले पनि एक दिन कुनै “डिश” बनाउला भनेर कसलाई थाहा थियो र ?

बिहान नुहाई धुआई गरेर पनि सुत्नु पर्छ भनेर कसलाई थाहा थियो र ?

सुतेर उठ्दा दिनको सुताई थियो कि रातको, याद गर्नु पर्ला भनेर कसलाई थाहा थियो र ?

दिन भरी दुई चार वटा कामहरुलाई मात्र दोहोर्याई रहनु पर्ला भनेर कसलाई थाहा थियो र ?

घरमा पान्ग्रे राखेकाहरुले एक दिन खुट्टाले पनि हिन्न पाईने हैन भनेर कसलाई थाहा थियो र ?

म ठुलो म ठुलो भन्ने राष्ट्रहरु पनि त्यति ठुला रहेन छन भनेर कसलाई थाहा थियो र ?

न देखिने एउटा फुच्चे भाईरसले पनि एक दिन संसार हल्लाई देला भनेर कसलाई थाहा थियो र ?

दीपक बडुवाल
सुर्खेत