इटहरी । सुनसरी प्रशासनले भोली देखि लकडाउनलाई थप कडा बनाउने भएको छ । २ दिन सम्म विहान ७ देखि १० बजे सम्म अत्यावश्यक पसल पनि खुल्ने छैनन् । जिल्ला प्रशासन कार्यलय सुनसरीले लकडाउनलाई कडा गर्ने जनाएको छ ।

धरान ,इटहरी,इनरुवा सँगै सम्पूर्ण बजार बन्द गराईने जिल्ला प्रशासन कार्यलय सुनसरीले जनाएको छ । त्यो सँगै सिमा क्षेत्रमा थप कडाई गर्ने सुनसरीका प्रमुख जिल्ला अधिकारी राजेश पौडेलले निर्देशन समेत दिएका छन ।

इलाका प्रहरी कार्यलय इटहरीका डिएसपी धर्मराज भण्डारीले हिजो र आज अत्यावश्यक पसल खोले पनि भोली देखि भने पूर्ण रुपमा बन्द हुने बताए । हिजो र आज अत्यावश्यक पसल खुले पनि भोली देखि खुल्दैनन् डिएसपी भण्डारीले भने ।