काठमाडौँ। नेकपा एमालेका युवा सांसद सुहाङ नेम्वाङ ले संसदीय दलको नेतृत्वका लागि आफू तयार रहेको बताएका छन्।
नेम्वाङले सञ्चारकर्मीसँगको संवादमा संसदीय दलको नेताबारे पार्टीभित्र अहिलेसम्म औपचारिक छलफल नभएको जानकारी दिए। उनले भने, “हाम्रो पार्टीका वरिष्ठ नेताहरू हाल शोकमा हुनुहुन्छ, त्यसैले नेताको विषयमा कुनै निर्णय वा छलफल भएको छैन। सामाजिक सञ्जाल र अन्य माध्यममा उठेका कुरा उहाँहरूको शुभेच्छा हुन्, जसको म सम्मान गर्दछु।”
सांसद नेम्वाङले स्पष्ट पार्दै भने, “पार्टीले मलाई संसदीय दलको नेतृत्वका लागि अघि बढाएमा म पूर्ण रूपमा तयार छु। म कुनै पनि बाधा वा रोकावट सिर्जना गर्ने छैन।”
