गुल्मी -गुल्मी क्षेत्र नं. १ मा राष्ट्रिय स्वतन्त्र पार्टीका सागर ढकालले २३ हजार ४८१ मत ल्याएर अग्रता कायमै राखेका छन्। प्रतिनिधि सभा सदस्य निर्वाचनको जारी मतगणनामा निर्वाचन आयोगको पछिल्लो अपडेट अनुसार उनका प्रतिद्धन्द्धि पूर्व परराष्ट्रमन्त्री समेत रहेका एमालेका प्रदिपकुमार ज्ञवालीलाई १० हजार ८४० मतले पछि पारेका छन्।
ज्ञवालीले १२ हजार ६४१ मत प्राप्त गरेका छन्। राष्ट्रिय राजनीतिमा अनुभव र पहिचान बनाइसकेका ज्ञवालीलाई नयाँ दलका रुपमा उदाएको रास्वपाका उम्मेदवारले फराकिलो मतान्तरले पछि पारेका छन्।
तेस्रो स्थानमा नेपाली काग्रेसका पुराना नेता चन्द्रकान्त भण्डारीले १० हजार १९२ मत प्राप्त गरेका छन्। गुल्मी क्षेत्र नं. १ मा कुल मतदाता १ लाख २२ हजार १८६ जना छन्।
