काठमाडौ- युक्रेनका राष्ट्रपति भोलोदिमिर जेलेन्स्कीका प्रमुख सल्लाहकार आन्द्रिय यरमाकले पदबाट राजीनामा दिएका छन्। राजीनामा जेरेपछि यरमाकले व्यक्तिगत रूपमा कुनै आरोप नभएको जनाएका छन्।
यो कदम यरमाकको कियभस्थित सरकारी निवासमा भ्रष्टाचारविरोधी निकायले छापा मार्ने केही घण्टापछि आएको हो। राजीनामाले युक्रेनी राजनीतिको उच्च तहमा हलचल मच्चाएको छ।
विश्लेषकहरूका अनुसार यरमाकको विवादले राष्ट्रपति जेलेन्स्कीको स्थिति कमजोर बनाएको र अमेरिकासँगको वार्तामा युक्रेनको ‘पोजिसन’ जोखिममा परेको छ। यरमाक रूस–युक्रेन युद्ध अन्त्यका लागि अमेरिका र युक्रेनले तयार पारेको शान्ति योजना कार्यान्वयनमा मुख्य वार्ताकार थिए।
