काठमाडौँ । मदन भण्डारी फाउन्डेसनले वार्षिक प्रकाशन हुने जर्नलको नयाँ अंकका लागि लेख रचना मागेको छ।
‘स्टेट, सोसाइटी एन्ड डेभलपमेन्टस् पिपल्स मल्टीपार्टी डेमोक्रेसी पर्सपेक्टिभ’ जर्नलको चौथो अंकका लागि लेखरचना मागिएको फाउन्डेसनकी अध्यक्ष उषाकिरण भण्डारीले जानकारी दिएकी छन्।
चौथो अंक जुन २०२६ मा प्रकाशित हुने पनि फाउन्डेसनले जानकारी दिएको छ।
जर्नलका पहिलो, दोस्रो र तेस्रो अंक वेबसाइटमा उपलब्ध रहेको पनि फाउन्डेसनले जानकारी दिएको छ।
फाउन्डेसनले जनताको बहुदलीय जनवादका दृष्टिकोण वा वरिपरि रहेका विषयहरूमा अनुसन्धानमूलक लेखहरू पठाउन लेखकहरूलाई आह्वान गरेको हो।
फाउन्डेसनले नेतृत्व, राष्ट्र निर्माण र राष्ट्रियता, विकास र समृद्धि, अन्तर्राष्ट्रिय सम्बन्ध, विदेश नीति, राजनीतिक अर्थतन्त्र, कृषि र उद्योग, राजनीति र शासन, खेलकुद, वातावरण र जलवायु परिवर्तन, सूचना प्रविधि, मिडिया र सञ्चार, विज्ञान र प्रविधि, स्वास्थ्य र शिक्षा, प्राकृतिक स्रोतहरूसहित विभिन्न समसामयिक विषयमा लेखरचना लेख्न आह्वान गरेको छ।
