काठमाडौं । नेपाली कांग्रेसमाथि आरोप लागिरहेका बेला पार्टीका उपसभापति चन्द्र भण्डारीले न्याय, सत्य र जवाफदेहिताका लागि छानबिन गर्नुपर्ने बताएका छन्।
सामाजिक सञ्जालमा स्टाटस लेख्दै भण्डारीले छानबिनको माग आनन्द, प्रतिशोध वा पूर्वाग्रहका लागि नभई न्याय र सत्यका लागि भएको बताएका हुन्।
‘हामी विधिको शासन र निष्पक्षताको पक्षमा छौँ। बिचौलिया पनि राज्यकै नियमन र नियन्त्रणभित्र छन्,’ उनले लेखेका छन्।
भण्डारीले सम्बन्धित निकायलाई आफूलाई दिइएको जिम्मेवारी पूरा गरी परिणाम दिन आग्रह गर्दै विषयान्तर नगर्नसमेत भनेका छन्।
