नेपालका लागि भारतीय राजदूतमा सुधाकर दलेला नियुक्त भएका छन् । नेपालका लागि दलेला भारतीय राजदूत नियुक्त भएको त्यहाँको विदेश मन्त्रालयले जानकारी दिएको छ ।
दलेलाले काठमाडौं आएर छिट्टै आफ्नो कार्यभार सम्हाल्नेछन् । यसअघि नेपालका लागि भारतीय राजदूतमा नवीन श्रीवास्तव थिए । उनी कार्यकाल सकेर भारत फर्किइसकेका छन् ।
नेपालको नयाँ राजदूत नियुक्त दलेला भारतीय विदेश मन्त्रालयमा सचिव (आर्थिक सम्बन्ध हेर्ने) को पदमा कार्यरत थिए ।
नेपालका लागि भारतले सचिवस्तरको कुटनीतिज्ञलाई नियुक्त गरेको हो ।
सन् २०२५ देखि आर्थिक सम्बन्ध सचिवको जिम्मेवारीमा रहेका दलेलाले यसअघि भुटानका लागि भारतीय राजदूतका रूपमा तीन वर्षे कार्यकाल सम्हालिसकेका छन् । उनी दक्षिण एसियाली छिमेकीसँगको सम्बन्धदेखि आर्थिक कूटनीति र बहुपक्षीय सहकार्यमसम्मका जानकार हुन ।
